屍殺大廈: Ch.2
不久，已經是23：30，我便到了大廈門口
「唔怪得冇人知啦，幢大廈咁鬼偏僻！」我自言自語
那大廈是位於一條偏僻的街道的角落。只是站在門口前，已經感覺都那種陰氣，可能是自己心理作用。外牆已脫色，本來門口的『浩翔大廈』名牌亦只剩下『浩 廈』。
突然電話響了，嚇了我一跳
「喂！啊豪？」
「喂！啊命呀！我突然肚痛啊…我諗我嚟唔到！」
「唔知邊個話唔嚟正死仔！」
「咁我真係肚痛呀嘛！不如下次先啦！」那刻我只可用四個字鬧他……「唔講喇！又屙喇！」他便掛了線。
「仆街仔！」我對着電話說
「唔嚟都嚟咗…冇奶油咁戅Q返屋企架…」我開始同自己說
我便嘗試開那鐵閘，但可惜…鎖了。看來天注定我要回家。我望望大廈的周圍，發現有一個窗口位。我便走到窗口面前，幸好窗口並不是那麼小，我便跨進大廈。
不久，發現了一部𨋢，正當我想按下，我便醒悟「妖！用咩𨋢啊！都郁唔到」我嘲笑自己。於是改去行樓梯。
每行一層便在防火門探頭而出，但什麼都看不到。行到第3層開始聞到一些臭味。不久，發然牆上有血跡。
「凡事一覺得有唔對路嘅話就走喇！」
啊爸常常都會說這番話，但我的好奇令我盲目地前進。我推開防火門，突然聽到一點聲，大慨是碰撞的聲。
「碰…碰…碰…碰…碰…碰…碰」
我便跟隨那聲，越行得入，聲音越聽得清楚，加上周圍環境漆黑一片，不見五指，好像在你身旁一樣。
行到一個分叉位，我貼在牆邊，電話開了相機模式，慢慢地把電話伸出牆外。左邊並沒有人，到另一邊，卻見到有一個像人的物體，不斷在用『他』的頭撞牆
「碰…碰…碰…碰…碰…碰…碰」
我便慢慢地行出來，嘗試行近『他』。
「兄台！兄台！你冇嘢呀嘛？」我細細聲「喂！」
我便開啟了電話的閃光，照着『他』
「哇！屌！乜Q嘢嚟架」
望着那腐爛的臉，我當堂嚇了一跳。剎那間，『他』便用『他』又臭又爛的手捉實我。我不斷掙扎
「有冇人啊！救命呀！」我邊大叫邊掙扎
『他』嘗試去咬我，我便用我的電話敲擊他的頭， 就在他鬆懈的那刻，我解脫了，便像瘋子般逃跑
「BU你啊麼！乜Q嘢嚟架！救命啊」我邊跑邊叫。
突現，我回頭一望，發然剛才的『他』已經變成『他們』，『他們』的叫聲非常刺耳，並不是像那些殭屍片一樣的叫聲。
「屌！一個變幾廿個…我有病架！唔食得架」我喊着
一不留神，我仆低了，而那群死物亦追前了，撲在我身上！
「今次死緊啦！」