屍殺大廈: Ch.1
小時後，常常都會發一個惡夢，那惡夢大慨是關於被殭屍追殺。而最後我都會被它們活生生咬死，然後嚇醒了。
「傻啦！呢個世界邊會有殭屍架」
每次跟大人憶述我的夢，他們都是給這個諷刺的答案。現在都已經廿幾歲人，但不知為何，我有一種很強烈的感覺，就是殭屍真的存在。
「喂！啊命！」
幸好有人跟我一樣都相信世界上是有殭屍的。他就是啊豪。
「啊豪？！做咩呀？」見他上氣不接下氣，便感到好奇。「你不如抖順條氣先啦！」
「我搵到喇！香港有一個地方…有…有殭屍呀！」
「堅定流架？」
「真架！」他遞上一張印有有關殭屍的地方「呢度話香港幾年前發生個意外」
「浩翔大廈？」我嘗試回憶一下，是否知道他所說的意外，但卻想不起，「你肯定係真？…我好似未聽個呢個意外喎？」
「啊命！你睇吓下面寫咩！」
我的視線便轉移到紙張的底部，寫着『政府為了保守秘密、爲免驚嚇市民，於是將此意外隱藏。』
「吓？！咁都得？」
「你吹政府唔脹架喎…仲有呀…入面話當時係有生還者喺幢大廈入面架，但係政府淆底，冇排人入去。」
「咁仆街！」我咒罵
「命！搵日入去玩囉…好唔好？」
「好啊！我都想知係咪真！」
我便在想，如果幢大廈真的有殭屍…那就是一個大發現。
「擇日不如撞日！就今晩23：30係嗰度等喇！」我已經急不及待
「好！邊個淆底就係死仔！」啊豪笑了笑