屍殺大廈: Ch.3
就在那一刻，有一個黑影，突然跳出來，解決了捉住我雙腿的那幾隻疆屍。
「後生仔！走啊！去10樓…20號室！」
原來是一個中年啊叔，手拿着劍。
「吓…咁你呢？」
「呢度我搞得掂！你快啲走啦！死人㗎！」
「哦！」我便立即走到防火門，走上樓梯
「冇嘢嘅！幻覺嚟架姐！嚇我唔到嘅……」我自我安慰
但在剛才電光石火的一刻，若你仍是無動於衷的話，那我真的吹你不脹。
終於走到上10樓，我的警覺性已經是零。只知道，去啊叔所說的20號室，便安全了……
「有冇人啊！救命呀！有冇人啊！」到了20號室門外，我便敲擊那道門
「你係邊個？」一把男人的聲
「我畀殭屍追啊！」我繼續拍打門
「密碼！」
「乜Q密碼呀！個啊叔淨係同我講要去呢度咋！我求下你啦！開門喇屌！」
「開門喇！」突然一把男聲在我後面傳來
我回頭一望，原來是剛才救我的啊叔
「啊叔！你唔係打緊殭屍架咩？」
「打完喇！等你咩」
此時，門終於開了。
「呢度係避難室，你喺呢度安全。」救我的啊叔不耐煩地說
「啊叔 thankyou 你救咗我，點稱呼？」
「叫我達叔啦，個個都係咁叫我」
「我叫啊坤，個個都叫我坤仔」開門的四眼少年說
「我…我叫啊命…」
「你點解會喺到？」一個應該同我差不多年紀的女孩問「你係點上到嚟…7年啦…7年嚟我哋冇見個有人嚟過」
「我咪行樓梯上嚟囉」
「點解呀！喺呢7年…冇人嚟過救我哋！」她開始崩潰
「小纓！冷靜啲」達叔安撫佢「啊命啊…你上嚟個陣有冇發現到啲咩？」
「嘭！」
突然有兩位年輕人衝門入來
「啊迪，啊文！咩事？」達叔問
「啲殭屍嚟緊！」他們異口同聲地說
「返入房！唔好出聲！」坤仔命令
「救命啊！有冇人啊！」突然有人在外面拍門
「坤仔！開門喇！」我跟他說
「唔得！出面有殭屍！自己都未救到！更何況救人？」他回答
「點解？你依家有機會救但有唔救…你會後悔架！」
我二話不說便走到門前推開坤仔，便開門。原來是一個師奶。
「唔該晒！」那師奶說
「唔洗客氣…」
「閂門啊！啲殭屍嚟喇！」達叔說
正當我關門時，那些殭屍便到了，將腐爛的手伸到門縫，扯實我的衣服…
「幫下我喇！」我喊，不斷掙扎！
房裏的人根本沒有一個肯去幫忙，只是看著我掙扎的情況。
他們不去主動幫，是因為在這大廈的已領悟到一個道理，就是『你有危險，我有危險…點解我要救你？』