我只能傷害妳，對不起: 24.

　　在幸福和罪惡感的翹翹板上，我們度過了如光影一般逝去的幾個月。我和她之間的愛情只有升溫再升溫，完全沒有消耗的跡象，讓我一度有錯覺和她甜蜜的日子永遠不會終結。
 
　　靜下來時又會覺得，也許有一天我們會升溫到引火自焚，這是她最怕的，也是我一直不願面對的。
 
　　走在鋼線上的戀愛，總會有走向終結的一天。不會有喜劇結局，只會有傷害到一個人，兩個人，三個人還是四個人，或者更多人的結局。
 
　　那天，她穿得很漂亮地回公司，我一直等她主動告訴我她待會要去哪裡，但最後卻從sales co口中得知。
 
　　「哇，Claire，妳著咁靚去邊呀？」
 


　　「今晚去飲呀！」
 
　　然後，過了一小時，她進了我的房間，關上了門。
 
　　「點呀？」我知道她關門一定是有事要跟我說。
 
　　「李書賢，」喔，不是公事。「其實，我諗左好耐今晚去唔去飲……」她緊咬著下唇，看起來很是不安。
 
　　「邊個結婚？」我提高警戒。
 


　　「果個人渣……」
 
　　「下？唔撚係呀？」
 
　　她點點頭。
 
　　「屌，冇野呀條粉腸，佢仲有面請妳去飲？痴乜尻線呀！！」
 
　　「殊！你唔好咁大聲啦！」她緊張地小聲說道。
 


　　「妳唔係呀，妳要去？？？」
 
　　「我……auntie係daddy好朋友，我冇得唔去呀……」
 
　　「shit！妳點解唔早d話我知？我即刻安排出差呀嘛！」
 
　　「我……」
 
　　「唔得，我唔准妳去。」
 
　　「但係，」
 
　　「冇但係！痴孖筋，點解可以有人可以咁Q仆街？唔係，佢根本唔係人。佢仲夠膽寄帖比妳！！」
 
　　「唔係，咁佢寄比daddy又冇理由skip左我既。」


 
　　「屌！妳仲幫佢講野？？」
 
　　「唔好咁啦……」
 
　　「乜撚野唔好咁呀！妳可唔可以對自己好d呀，妳做咩要迫我睇住妳自殘呀！我都會好hurt架妳知唔知？」
 
　　「殊！」
　 
　　「我唔理。比妳daddy電話我。」
 
　　「下？你想點呀。」
 
　　「比我。」
 


　　她屈服在我的強勢下，唸出了世伯的電話號碼。
 
　　電話接通了。
 
　　「喂？」
 
　　「你好，唔好意思呀呂生，我係Claire老細，我叫Gary。」
 
　　「哦？哦，你好，我都有聽過Claire提起你。」不知道她說過我什麼？
 
　　「係呀？其實係咁既，我知道Claire今晚要去飲，但係我有一個不情之請……今晚有個法國好重要既供應商黎左，佢話一定要今晚同我地食飯，如果唔係要中止合約……佢都係岩岩先約我，我講左唔得閒佢都唔肯就範，而佢仲指明Claire一定要去……我知道佢今晚去飲果個朋友係好重要既朋友，但係我真係冇計，所以……」
 
　　「但係，今晚真係好重要喎……」世伯應該是看人情看得很重要的人。
 
　　「真係好唔好意思，我都知道我好厚面皮。」


 
　　這時，她示意我把話筒給她，「你等等，Claire話想同你講幾句。」
 
　　「daddy，今次呢個供應商真係好重要架！冇左佢對公司好大影響，唔去我個心會唔安樂。一係咁啦，我份禮你幫我包大份d啦。」
 
　　電話那端不知道說了些什麼後，她給了我一個ok手勢，似乎搞定了。
 
　　「下，哦。」她又把話筒給我，應該是世伯想跟我多講幾句。
 
　　「工作要緊，老闆你咁睇得起小女，我都好開心……」
 
　　「真係好唔好意思。」
　　 
　　「唔洗唔好意思，我多謝老闆你平時咁關照小女就真。」
 


　　對不起，世伯，我沒做任何值得你多謝我的事，我還讓你寶貝女兒初戀做別人的婚外戀對象，我真的對不起世伯。
 
　　掛線後，
 
　　「咁今晚我去邊啊？」
 
　　「umm……同我拍拖囉。」
 
　　「……」她想忍住不要笑出來，卻還是甜絲絲地笑了。