我只能傷害妳，對不起: 23.

　　她跟我說二月十四日不能陪我的時候，其實還有下文。
 
　　「二月十四日我約左人，不過二月十五我冇約人架。」
 
　　「咁即係可以約妳咁話？」
 
　　「嗯──你可以唔約既，留番比我約你囉！」
 
　　「好啦，咁妳約我去邊呢？呢位靚女。」
 


　　「去我屋企！」
 
　　「下……？」
　　 
　　「放心喎，daddy同佢d龍友去韓國旅行影相，二月十五號下晝會出發架啦！」
 
　　「哦～」
 
　　「洗唔洗即刻鬆哂咁款呀？」
 


　　「咁去妳屋企做乜呀？」
 
　　「煮飯比你食好冇？」
 
　　於是，二月十四日已經食完一餐住家飯的我，二月十五號上情人的家裡，又再吃一頓住家飯，今次不送情人節蛋糕，送了她一盒情人節巧克力。
 
　　「唉，你有冇搞錯呀，情人節都唔同老婆去食燭光晚餐呀自助餐果d，仲要老婆煮飯！我對你太失望啦。」
 
　　「我地慣哂啦，老夫老妻冇乜激情啫……」
 


　　「哦！咁即係如果同我冇激情既話，你就乜野心思都唔會去搞架啦，係咪咁吖李書賢？」
 
　　「我又冇咁講過……」
 
　　「哦！乜你咁對你老婆架，你呢個負心漢！」
 
　　這傢伙完全毫不留情的踐踏我所餘無幾的良心……你說她真的愛我嗎……
 
　　她見我不作聲，臉上有點不安，「唔，我講笑架咋，喂。」
 
　　「妳唔係講笑，不過我慣左嘞。妳上次都講過，我明白。」
 
　　她放下了手中在攪拌著番茄薯仔湯的木勺子，對著我微笑，捧起了我的臉，「乖嘞。」然後在我嘴唇上送上輕輕一吻，「0係未消耗完之前，我會盡情咁愛你。」她在我耳邊說著。
 
　　我決定把滾湯的火先關上，先把她吃掉──吃她的方法，就是狂吻，然後伸手進去她的內褲裡，然後怎樣，你懂的。


 
　　她被我摷出兩次高潮後，便拍打我的手示意我縮手，「我要煮飯呀！咸濕仔。」
 
　　我呢？
 
　　她瞄了我兩眼，然後哼了一聲，「你唔肚餓咩？」
 
　　「比起肚餓……」
 
　　「你諗下，如果我用手幫完你，再去煮飯，你會唔會想食呢？」
 
　　……哇，呂小姐呢招真係好高明。
 
　　「我……我去廁所。」
 


　　「嗯，乖嘞。你都唔好話黎幫我手煮飯呀！殺左你。」她吐吐舌頭，然後又開了火滾湯。
 
　　今晚的飯餸是蒜蓉茄汁蝦，炒西蘭花和牛柳炒青豆，再加蕃茄薯仔湯。
 
　　又是三餸一湯。
 
　　她看著我把蝦頭放進口，一臉緊張，「好唔好味呀？」
 
　　「ichiban！」
 
　　「真既？」
 
　　「正到冇得頂啦。」
 
　　於是她也夾了一頭蝦，嚐了一口，「好似鹹左d？」


 
　　「咁先岩送白飯嘛！最岩我。」
 
　　「係咪架！」一邊說著，她一邊滿足又放心似地笑了。