[校園][愛情]《個女仔衝咗出馬路然後俾我救番》: 「第九章-往事」
第九章
***
「今日放假你想去邊度玩呀」
「我哋不如行街吖」
「好呀！」
「同埋我想捐血」
「咁不如行新城市廣場，行完又可以去宜家傢俬食肉丸」
「好呀！我想食肉丸！！」
之後我哋就搭車去沙田，我同佢喺商場手拖手不斷徘徊，我哋咁啱行過冒險樂園，我問都未問，佢就已經拉咗我入去，
入到去佢叫我唔好唱錢住，陪佢行一轉
「你知唔知呢，冒險樂園間間鋪入幾多幣都唔同㗎」
「有啲平啲有啲貴啲」
你唔講我真係唔知，我真係好少去冒險樂園玩
「呢一間用啲幣都算少」
之後佢就拖住咗我去唱幣，我哋唱得100個幣
「今次我畀，下次去黃埔就你畀啦」
我諗起黃埔嗰間冒險樂園咁多嘢玩.....oh......
之後我哋行咗去籃球機度，我入幣入咗六個，正當我諗住撳連機個掣嘅時候，紫晴即刻捉住我隻手，
「傻仔！玩單機啦！多啲時間着數啲㗎！」
「係㗎咩」
「係吖！」
我哋唔玩咗唔同嘅機之後，最後我哋去掟彩虹，又畀我好好彩咁中咗兩個藍獎，一個攞咗嚟玩公仔，另一個佢話攞去儲積分，
「嘩~原來你掟彩虹咁叻㗎」佢捱咗落我度
「好彩啫...哈哈」我怕怕醜醜咁講
「好啦獎你錫我一啖啦」
佢合埋咗眼，示意我要錫佢
天外之音：機會嚟喇飛雲
我：得啦，你葡萄呀？
天外之音：..ok..you...win.......
講完呢句我就攬住咗佢，然後就錫咗佢額頭一啖
佢塊面仲紅過番茄
「衰人........」
「傻妹，我愛你」
我同佢對望住，呢一刻，世界好似停止咗運作
「再唔行捐血站閂門㗎喇」佢揼低頭
係喎要捐血喎
我哋行咗冇耐就去咗捐血站， 捐血嗰陣，佢捉住我隻手，好似就快生得咁，冇諗過原來佢會驚呢啲嘢
「你好驚咩」
「我驚支針拮到我好痛
」「唔駛驚㗎傻妹！」
「有我喺度」
「嗯」
好快我哋就捐完血，就去咗宜家傢俬
我哋行咗去梳化區嗰邊，突然間，紫晴唧我，我失平衡一野瞓咗落去梳化度，我又好唔小心咁樣呢，捉住咗佢，搞到我哋一齊瞓咗落梳化度，
我同佢瞓咗喺張梳化床度對望，心跳慢慢加快， 我哋對望咗唔知幾耐，我哋就好有共識咁起咗身，行咗去食肉丸
食飽之後，我哋就行咗一陣宜家傢俬，就搭車返咗去馬鞍山，返到去我哋冇 即刻返屋企，我哋去咗馬鞍山公園坐，夜晚傾下計，呢個畫面其實都幾溫馨，我哋拖住手，坐坐下佢挨住我膊頭瞓著咗，佢瞓著咗個樣真係好得意，
我哋坐咗很耐，我見開始凍，我又驚佢冷親，所以就叫醒咗佢，
「傻妹，起身喇」
「嗯........」
我先送咗佢返屋企，然後我就慢慢行返去，回家途中我不停係咁笑，係開心嗰隻笑
一入到屋，吖妹即刻望住我
「食咗春藥呀？笑到咁樣」
「你講有咩陰謀！」
「關你咩事啫」我仲笑笑口咁
「唔知你呀，畀我知道係衰嘢你就死得」
之後？之後我咪沖涼就瞓覺囉！
***
『望著你呼吸輕輕的加快了』