[校園][愛情]《個女仔衝咗出馬路然後俾我救番》: 「第十章(上)-出沙田」

第十章上



「我是憤怒！分分鐘可燒死你！」
如果呢部電話唔係我，我一定掉佢落街
美好嘅清晨就咁畀個憤怒掩蓋咗，
我打開電話一睇wts，發現蒨頤冇wts我
咪住點解我要留意佢？我唔深究住






我刷完牙洗完面煮好兩包麵，
之後就行咗去吖妹房門，度門扭開咗少少，
然後用我嘅佛山無影腳，一腳踢開咗道門
*以上危險動作請觀眾切勿模仿
點知，佢原來一早醒咗
「好型咁喎阿哥」佢沖咗出嚟然後鍊住我條頸

「咳....咳.....食..食野呀..！」我咳到就快死咁滯





食緊嘢嗰陣，佢無啦啦同我講

「梨震間虛便」佢仲咬緊啖麵

「你噏乜.....？不如你食完啖麵先講啦」

「嗯....我話你陣間去邊」

「我？無地方去，做咩？想約我出街？唔好咁迷戀我啦」





「收收皮先啦陪我出沙田行下」

「哦？哦，好呀」

食完嘢佢負責執碗
坐咗一陣我哋就搭小巴去咗沙田
我哋喺商場行嚟行去，咁途中我哋都有交談嘅
「今晚想食咩，我轉頭買埋」

「今晚不如叫埋蒨頤上嚟食飯」

下....咁突然....？

「我當你默認㗎啦」





「..............」

講都未講完，佢就打電話過去

「喂？蒨頤？你今晚得唔得閒吖？」

「今晚不如過嚟我哋度食飯」

「好呀，咁今晚見啦bye bye」

咁順攤嘅......

「佢話佢今晚得呀！咁你識做啦」佢陰陰嘴望住我笑

我哋行咗入H&M行，




佢拎咗幾件衫過嚟試畀我睇，
講真件件都差唔多，
我都唔係好識評價，所以佢就揀咗幾件啱睇嘅衫去畀錢，
之後佢話要我陪佢去無印行，
咁我本人都幾鍾意無印嘅，特別係佢啲筆，

行到3點幾之後，
我哋就去咗一田講food count食嘢，
搵到位之後，
佢就去咗買壽司，而我就去買炒麵，
坐低咗冇耐，當我諗住夾舊壽司落口嗰陣，
無啦啦有個毒毒哋嘅男仔行咗過嚟
對住吖妹講
「................」









[待續]