昨夜星辰恰似你: 5 . (下⁠⁠⁠⁠)

我就咁蹲咗係門口大概5分鐘，拍咗一兩下門就轉身走。

突然有開門聲，初初以為係隔離屋。點知抬頭，係我屋企。

「我聽到門外有聲⋯我諗係健仔你返咗嚟」

係我啊媽。

係我成為咗人地個啊媽嘅啊媽。





而我選擇沉默。

佢開咗棟鐵閘，示意叫我入屋。由於我唔想今晚瞓公園，我入咗去。

入到去見到一枱都係餸，可樂雞翼，油麥菜炒豆豉鯪魚，蒸多寶魚，蕃茄薯仔湯⋯

全部都係我細個最鍾意食嘅嘢，只不過我已經好耐無食，自從佢走咗之後。

「健仔⋯」佢唔敢望住我隻眼





「唔好再咁叫我。」

我地兩個都沉默咗，氣氛變到好尷尬。

「你上嚟做咩」我選擇打開話匣子

「好耐無見面⋯我想煮返餐飯比你食」

「你咪搞我笑啦你都人間蒸發咗咁耐，點解要無啦啦出現。唔洗返去煮飯比你個女食咩？走嚟煮俾我食？」





我望住眼前所謂嘅啊媽，我真係覺得好無奈。

「佢病咗⋯話想見下哥哥」佢突發抬高頭死死咁望實我。

「原來，你真係唔係想見我」

我坐咗落沙發。

「唔係⋯我當然都想見你⋯」佢正準備行過嚟沙發

「你唔好行過嚟我唔想見到你，唔該你同我即刻走，你已經唔係我阿媽你冇資格入呢間屋，返去搵你個奸父去搵你個乖女」
我企咗起身指住門口

佢擘大個口好似有野想講，但我唔理我一路行一路推咗佢出門口。





「健仔⋯健仔⋯開門啊健仔⋯」佢不斷拍門，而我今次選擇無視。

望住枱上面嘅餸，我真係覺得好可笑。

你走左咁耐，我真係當自己唔記得咗你架啦。

點解仲要係有意無意之間出現？

仲要係為咗你同人哋生嘅女，而唔係我呢個親生仔。

我將啲餸一碟碟咁倒落垃圾桶，整個公仔麵食就算。

然後行入房戴耳機打機。

我諗，呢種只不過係我用嚟自我麻醉嘅方法，如果可以逃避我會選擇一世都逃避。





-

「叮」係鄭梓𤋮
「多謝你今日嘅早餐～^^」
「嗯」

接下來嘅幾句，我都係hea覆。

直至佢sd嚟一句「你⋯唔開心？」

我望住呢行字，望咗成分鐘。 

咁大個仔，都無俾人問過自己開唔開心，因為佢哋總認為男仔唔會唔開心，唔可以唔開心。





可能呢個就係我係班入邊，成日搞屎棍成個小丑咁嘅原因。

「冇」

但係我都無同鄭梓熙坦開心屝，唔係唔信任，只不過係無必要。

佢send咗一個emoji俾我，我已讀咗佢。

「叮」
我本來以為係鄭梓𤋮，但係一睇到個行熟悉嘅電話號碼，我就知係我啊媽。

「霖霖佢病得好嚴重⋯健仔你當可憐佢你望佢眼好唔好？」

「你當可憐我唔好再搵我好唔好。」





隨後我就block咗佢。

可笑，真係好可笑。
可憐，真係好可憐。
我真係好可憐。