唉...諗住同三個friend去澳門叫雞，點知比班女友發現咗...: 97

呯一聲，房門打開了，女友們破門而入。

Jasmine雙手撐腰，朗聲道「全部唔准郁，雙手擺喺頭！交哂啲身分證、回鄉證、信用卡同手機出嚟！以後無我地批准，你地唔洗只意再出街！」

K房內，寂靜無聲。

我們默默地站在房間的角落，靜待著音樂的降臨。

Jasmine又道「答我啊！」



沒人回答，但卻傳來了一陣悅耳的歌聲。

「未懂占卦　也不懂命理
卻可先知我們　同步注定了不起
若我不普通　變得堅毅無忌
並沒秘方這是純因你~」

Jayden拿著咪高峰，唱著歌，一步一步走到Jasmine的身前。

「天祐我的愛人　這日　明天　一世　把她寵愛


天祐我的愛人　有她不再覺得生命無奈　敢愛～」

Jasmine經己猜到究竟在發生甚麼事情了。她掩著嘴巴，眼淚慢慢從眼眶內滲出。

Jayden輕輕牽著她的手，情深款款地凝視著她。

「天祐我的愛人　這日　明天　一世　把她寵愛
天祐我的愛人　有她不再覺得生命無奈　敢愛～」

Jayden慢慢跪下來，抬頭仰望著Jasmine。



「你是我將來　不捨不棄
每一明天愛著你~」

Jayden從褲袋內取出一隻鑽石介指，眼泛淚光地道 「唔知點解，每逢一啲喜慶節日，我地都會鬧交。你成日話我無心裝載，乜嘢日子都唔記得。情人節唔記得，拍拖記念日唔記得，就連你嘅生日都可以唔記得。但事實唔係咁嫁，所有日子，我都一直銘銘記喺心入面，只不過係唔識得點樣去表達...」

Jasmine的眼淚不斷流下，非常感動。

「你睇下你手上嘅卡片。第一張，寫住1224，你地以為只不過係酒店嘅地址，但其實依個亦都係我地第一次見面嘅日子。16年前嘅12月24號，平安夜，我地10歲。你啱啱喺美國移民返嚟，你daddy帶咗你嚟我屋企。我第一眼見到你，就經已對你一見鍾情...」

Jasmine望著卡片，哭著點頭。

「第二張卡片，404。經過好多波折之後，我地終於喺二十歲嗰年喺埋一齊。我記得好清楚，嗰日係4月4日，我臨出發去英國之前嗰晚。當晚我喺床上面，輾轉反側，發覺心裡面最唔捨得嗰個人就係你。零晨三點幾，我不顧一切咁跑到去你屋企樓下。一見到你，我即刻攬住你，同你講，我愛你啊...」

我望著Yoyo，她很眼淺，不知不覺便流淚了。



Jayden接著道「最後一張卡片，718。7月18日，正正就係今日嘅日子。設局將你地引渡過嚟，其實係想比個驚喜你，令你永永遠遠都記得今日。因為，我希望依一日將會成為我地嘅結婚記念日」

然後Jayden舉高手上的鑽石介指，道「Jasmine，嫁比我」

這種情深似海的告白，誰人受得了。

Jasmine大力點頭。

Jayden把鑽介套在她的中指上。

Woo～

三個男生隨即起哄，扭開手上的拉炮。



啪啪啪！

一串串的彩帶掉落至新人們的頭上。

Jayden把Jasmine公主式抱起，並往她的嘴脣深深親吻下去。

終於明白海兒所說的話了。看著別人幸福的畫面，果然相當感動。此刻，我也不禁流淚了。


歡樂的音樂再度奏起。

Jayden抱著Jasmine轉來轉去。

我趁機走到Yoyo的身旁，道「覺得點啊？」



她沒有正視我一眼「有話睬返你咩？」

我道「吓？」

她說「有咩返到去先再講」

慘，佢仲未嬲完...

我左顧右盼，看看有沒有跟我同病相連的人。

阿佳和Cherry面對面，手牽著手。

阿佳低著頭道「Cherry...我想打返籃球...」

Cherry聽見後，開心到仆街，熱淚盈眶地道「真係...？」



阿佳點一點頭，道「嗯...」

Cherry隨即抱著阿佳，道「太好喇...真係太好喇...」

我真係恭喜你啊！


擰頭望向阿Ted與Macy。

阿Ted跪在地上，雙手拉著耳朵。

Macy一手抓著他的頭髮，情況有點像十四巴港女。

「你知錯未啊！」

阿Ted點著頭道「我知錯喇，對唔住啊Macy，你打我啦」

Macy作勢掌摑「我打嫁喇！」

阿Ted緊閉著眼睛「打啦」

以為有好戲睇，點知Macy卻一吻親在阿Ted的額頭上，道「為咗幫朋友求婚，居然夠膽死呃我。不過...都算你似返個男人啦」

「Macy，你肯原諒我呀？」

「男朋友唔再成個鵪鶉咁，係咪值得慶賀先」

「Macy…」

「但係呢...芒果拿破崙就一定走唔甩喇」

阿Ted跳起身來，興奮地道「我一定會整個全世界最好味嘅芒果拿破崙比你食嫁！」

Macy輕輕拍一拍阿Ted的額頭，道「係先至好啊」

這一對也和好如初了。看來傷心的人就只剩下我。

音樂結束。

Jayden大聲道「好，一齊返香港！」