唉...諗住同三個friend去澳門叫雞，點知比班女友發現咗...: 98

回到香港，我們分道揚鑣，各自歸家。

車廂中，Yoyo默不作聲。她坐在副駕駛座，專心一致地張望著車窗外的風景。

駛入屋院內的停車場。把車子停泊好後便準備下車。

此時，Yoyo突然開腔道「點解架車咁大陣煙味？」

我試圖解釋著說「Jayden尋晚喺度食煙，我叫咗佢唔好食嫁，但佢唔肯聽...」



Yoyo生氣地道「你知唔知啲煙味好影響小動物嘅健康嫁？有無諗過如果鬆榚同咖啡仔(我地養嗰兩隻貓)上到嚟聞到啲煙味，跟住唔舒服咁點算啊？」

我悔氣地道「唉...等多陣都散哂啦」

Yoyo道「唔明點解你可以咁無責心囉」說著，她逕自下車了。

唉...又比人入多條罪，真係唔知點收科。明明我一直都很守規矩，從不在家中抑或車上抽煙。今次一個小小的錯誤，她便嬲成這個樣子。點解一個失誤就可以推翻唒我之前所做嘅一切好事呢？女人真係好撚麻煩，你做好事呢，就係應份嘅，唔會加分。一做錯呢，哈，就即刻扣撚到零。真係心都淡鳩埋...

回到家中，放下鎖匙 ，Yoyo頭也不回地走向房間。



我馬上拉著她的手，道「可唔可以傾兩句啊？」

Yoyo不耐煩地道「仲有咩好傾啊？」

我道「頭先咁開心，你仲嬲咩啊？」

Yoyo道「我唔似得Jasmine佢地，可以比你地嘻嘻哈哈蒙混過關囉」

我道「你都睇到啦，成件事都係一個局。Jayden想求婚，我地至先搞咁多嘢」



Yoyo以失望的眼神凝視著我，道「依個時候你都仲要呃我，事實係點呢，你自己最清楚」

她十分敏銳，要欺騙她，談何容易。不過有時講大話都好講包裝，如果你present得好，可能佢明知道係大話都會比你過關。可惜，這方面我乏善足陳。

我發爛「講你又唔信！咁你想點啊！？」

Yoyo怒道「我就當你依件事講得通，咁你掉電話嗰單嘢又點計啊！！！」

我頓時語塞。

Yoyo接著道「如果你唔想做嘅，大可以直接拒絕我。但係點解你要再講多個大話嚟呃我呢？你已經唔係第一次嫁喇。如果每次都係咁，好快就會習慣成自然。一有咩問題呢，就即刻講大話，輕輕鬆鬆過關。你最近成日都係咁，每次問你係邊，做緊咩，你都唔會講真話，我根本就唔知你邊句真邊句假。咁你叫我點樣同一個滿口慌言嘅人相處啊！！！」

我焦急地道「我無啊，你聽我解釋先啦」

她推開我，道「我唔想再講喇，我一陣要返工，得返兩個鐘頭訓，有咩遲啲再講啦...」她轉身回到房間，並把房門鎖上。



我失落地坐在沙發上反省自己。最近確實有點說慌成癮，一件好普通的事情，也會選擇說謊處理。好像明明在打機，卻會跟她說在工作，明明在喝酒，卻會跟她說在喝水。就連這種小小的罪惡感也不願意去處理，總是用謊話來方便自己。中學時期，我明明是一個十分正直的少年。但出來工作後，為了討好別人，不知不覺就把說謊當成習慣。

此刻的我相當內疚，覺得自己是一個從內心腐爛出來的垃圾。

想著想著，也於事無補。我站起身子，走到廚房，準備為Yoyo炮製一份愛心早餐，看看能不能用這份柔情蜜意來博取她的歡心。

做了兩份香腸煎蛋，盛了兩杯橙汁。待她起身出來，就能一起共享美食。隔了半晌，Yoyo終於從房間內走了出來。她經已換上了一套淺藍色的獸醫工作服，似是要馬上出門。

我笑道「過黎食早餐吖」

她冷冷地道「唔食喇，我趕住返工」並走到玄關那處穿鞋子。

她不領情，我沒辦法。



我試著爭取另一個談話的機會，道「我車你返工？」

她搖一搖頭，一面開門一面道「唔洗喇。仲有，依幾日我會返我阿媽度訓，你唔洗等我門喇」說著，她便關門離開了。

雖然明白她生氣的理由，但至少也要給我一個解釋的機會吖，依家就咁走咗去，算係點先？唉...總之會係咁，就唔去叫雞啦。為咗一時之快，落得如斯田地。講真，真係好撚唔抵。

坐回餐椅，望著枱面上的食物。屌，一啲食慾都無。倒了二份早餐，想著回到房間好好睡一覺。但無論怎麼輾轉反側也都睡不了，腦海裡不斷浮現出Yoyo的事情。難道這段8年情，真的要就此結束？

最艱難的時刻，明明都經已一起渡過了。記得初初跟她同居的時候，是我們關係最差的日子。兩個成長過程與背景都截然不同的人，要住在一起，當然會爭吵不斷。那時每天也都吵過六七獲，好像無論任何時情都能夠觸發起矛盾。這種狀況，讓人很累。甚至有一刻，我真的想過不如就此算了。

她說我用錢揮霍，完全沒有儲錢的念頭。就算屋企有錢，都要懂得為將來作打算。我卻覺得她過份吝嗇，總是苦了自己。

價值觀不同，是情侶分手的最大主因。而我和Yoyo的價值觀正正是南轅北轍。舉個例，有一次到超級市場買東西，前面有兩盒不同價錢的雞蛋，相差5蚊左右。我毫不猶疑地選了貴一點的那盒，認為只要比多5蚊，就可以買到相對高質的東西，十分之抵屌，何樂而不為。但Yoyo卻認為，同樣是雞蛋，當然要選平一點的那盒，認為都係食落肚姐，慳得一蚊得一蚊吖嘛。然後矛盾又產生，我們總是為著一個幾毫而大吵大鬧，人累，心也累。

最後我們一人讓一步，把所有事情都攤出來說。我試著去體恤，她試著去遷就，問題最終也解決了。直至那刻才發覺，原來情人們之間，只要願意溝通，願意讓步，其實甚麼問題也不過是一件小事。那件事情完結後，我跟自己說，這個女人，我要和她一生一世。



這時，小貓鬆糕悄悄地走了進來。它輕輕跳上床，徐徐地倚在我的側跟。

我這個人，從不喜歡把煩惱帶過夜。今晚，我一定要氹返Yoyo返嚟！

我抱起鬆糕，對著它說「今晚靠哂你喇！」