唉...諗住同三個friend去澳門叫雞，點知比班女友發現咗...: 96
為什麼？為什麼女友們可以這麼快找到過來？明明她們剛剛先從night club離開。僅僅拿著718這個數字，根本不可能在短短一個鐘之內便找到來這裡。因此，事情必有蹺蹊。
呯呯呯!
Jasmine用力拍打房門，大聲道「你地四個無得走喇，精嘅就乖乖地開門投降啦！」
「小姐，你不可以這樣的...」經理落力地與女友們周旋，盡量為我們爭取時間。
房間內的我們相當惆悵。逃走的路線經已被封死了，插翼難飛。
Jayden不斷抓弄頭髮，苦惱地道「點會咁嫁？我個計劃明明好完美...」
阿佳道「仲講埋啲無謂嘢，諗下點走好過啦！」
阿Ted道「我地爬窗走啦！」
但環顧四周，不要說是窗戶了，甚至連一個通風口也沒有，這裡簡直是一個密室。
門外再次傳來女友們的呼喚聲，她們不知道從那裡找來了一個大聲公。
Yoyo拿著大聲公，從走廊處大聲道「王浩銘，謝子朗，陳庭佳，盧旺達，你地經已被重重包圍。叫雞一事完全敗露，我地依家拍緊片做證據，請速速投降。重複，王浩銘...」
她們不斷呼叫著我們的名字，分明是要讓全世界的人都知道誰在叫雞。目的是刺激起我們的羞恥之心，破壞我們的自尊，使我們乖乖就範。
我向著眾人道「唔洗驚啊，佢地喺出面影唔到我地個樣，只要我地唔出去就無事嫁喇」事實當然不是這樣，我只是嘗試說一些激勵性的說話來加強士氣。在沒有補給的情況下守在這裡，掉入拖延戰，我們必敗無疑。
Jasmine道「好，唔肯出黎吖嘛，我地就同你地鬥長命，無野食無水飲，睇下你地捱得幾耐」事情被她一語道破，我們的士氣再度跌落谷底。
阿Ted慌張地道「點算啊？我地死緊喇，不如投降啦」
我道「唔得！為咗甩身，我犧牲哂所有信用。所以無論點我都唔會投降！」
此時，Jayden突然大力一拳打在牆壁上。
呯！
我們馬上把目光集中向他。
阿佳道「你又發咩癲啊？」
Jayden深深不忿地道「我終於知道點解喇，Jasmine一定係收賣左night club個Zoel。佢叫Zoel向我報假情報，呃我話佢地啱啱至走，但其實佢地喺更早嘅時間就已經拎走咗張提示」
我道「就算Zoel出賣咗我地，最多咪比佢呃咗一頭半個鐘，班女都無可能咁快搵到過嚟」
Jayden道「所以我地中間一定有內鬼！」
我道「無可能！我地無人會係二五仔！」
Jayden道「Matthew！唔好再同我玩咩朋友遊戲喇，事實擺在眼前，有人出賣我地，講咗比班女知依度嘅地點啊！」
Jayden來回打量著我們每一個人，最後再把視線停留在阿佳身上。他指著阿佳道「陳庭佳！係咪你？」
若果要捉鬼的話，阿佳確實是最大嫌疑。他整晚拿著手機進進出出，很大機會是向女友們通風報信。
阿佳道「你都痴撚線！」
Jayden道「Jasmine肯定打過比你，然後同你講話Cherry要自殺，你驚，你敵唔過良心責備，跟住就出賣我地，係咪咁啊！？」
阿佳道「如果我要出賣你地就唔洗等到依家。未出發嗰陣佢地已經諗住打電話嚟收買我，但我即刻cut線，仲連佢地啲電話都Block埋。唔撚信嘅，你拎個電話去睇」阿佳把手機交給Jayden。
事實正如阿佳所說，他是清白的。
阿佳接著道「仲有啊，Cherry啲技倆我一早睇穿哂，一哭二罵三上吊，每次同佢鬥鬧交都係咁，喊完佢就無事嫁喇，邊可能會自殺」
Jayden把手機還給阿佳，再把目光轉移向我，道「王浩銘，係咪你？」
我道「我？我電話都掉撚埋，點出賣你地啊？」
Jayden道「你可能有兩部電呢，我要搜身」他伸手拍打我的衫袋和褲袋。當然沒有發現。
我道「死心未啊㭍頭？」
Jayden不服氣地道「你係咪收埋咗喺屎忽度，快啲除褲」說著，便走過來解開我的皮帶。
我馬上把他一手推往沙發上。
「屌！死撚開啦！」
Jayden怒道「唔係你！又唔係佢！咁究係邊個啊！」
我依然保持一個立場，不相信我們之間會有內鬼。
阿佳道「講咗咁耐，係咪有人喺度賊喊捉賊啊？」
Jayden指著自己道「我賊喊捉賊？」
阿佳道「唔知呢，有啲人好撚古惑」
Jayden反駁道「你用下個腦都知唔會係我啦！你地成個行程都係由我主導嫁！如果我要出賣你地，你地一早收撚咗皮啦，仲洗唔洗去比女猩猩SM啊！」
他說得沒錯，我們的整個計劃也是由他一手包辦。假若他是內鬼，就不會一直想盡辦法與女友們鬥智鬥力。
阿佳道「如果連你都唔係嘅話...」
我們三人同時把視線集中在阿Ted的身上。
Jayden勵聲道「Ted！係咪你？係咪你出賣我地！？」
阿Ted低著頭，默不作聲。
我焦急地道「Ted！快啲話比我地知你唔係內鬼啦！」
他依然是沈默不語。
Jayden急步走到阿Ted身前，攤出手來道「拎你部電話出嚟」
嚓嚓嚓！
門外傳來女友們用力chok動門柄的聲響。這樣下去，我們就快撐不住了。
Jayden怒道「快啊！」
阿Ted突然爆發，大聲道「係啊！係我出賣你地嫁！」
全場鴉雀無聲。
阿Ted居然是內鬼？
Jayden接受不了。他一面住後退，一面以抖震的聲線道「點解？點解你要咁做啊？」
阿Ted道「因為我廢！因為我無用！我知道遲早都要返去面對Macy，與其自己一個面對，不如拉埋你地一齊陪我！」
Jayden抓著阿Ted的肩膀，怒道「你個仆街！我睇錯你啊！」並一拳打在阿Ted的臉上。
阿Ted捱了一拳，稍稍失去重心，但沒有掉在地上。他重新站直身子，掩著自己的臉頰，眼泛淚光地道「但重要嘅係...我今日玩得好撚無引啊！」
Jayden道「點無引啊！？我地將最好嗰啲女都比哂你喇！」
阿Ted指著我們道「你地幾個口口聲聲話當我係兄弟，但就連我鍾意咩類型嘅女都唔知！我鍾意肥啊！越肥就越滋味啊！」
我們相繼露出驚訝的神色。
阿Ted怒盯著Jayden道「你啊！每次我想揀女嗰陣你都窒住哂！一開頭我想食河馬，你就格硬塞個童童比我！去到骨場，經理問我想要咩女，你就爭住幫我答咗先。頭先又係咁，你都係唔比我揀。咁你叫我點樣玩得開心啊！！！」
Jayden被當頭棒喝，馬上作出反省。他低著頭，默然了一會，方才道「我都係想你食好啲....」
阿Ted一屁股坐在沙發上，痛哭著說「嗚嗚...我都係想屌下肥婆姐...唔通又有錯咩...嗚嗚...」
事情發展成這樣，其實我們每一個都有責任。我們跟阿Ted當了這麼多年的朋友，居然連他喜歡甚麼類型的女生也不知道。換轉是我也必定會感到相當失望，甚至會有一種被冷落了的感覺。
Jayden慢慢走到阿Ted的身旁，抱著他的頭顱，道「Sorry，係我地冷落咗你嘅感受，就連你生日，都比唔到你最想食嘅女你...」
「嗚嗚...對唔住啊大家...對唔住啊...」
Jayden撫摸著他的後腦勺道「無事喇，無人怪責你喇...」
𡆀𡆀𡆀！
門外突然傳來了一陣巨響。瘋狂的女友們不知道從哪裏找來了一柄斧頭，不斷重擊著門鎖。
死期已到。
我開玩笑地道「一齊跪玻璃啦，反正未試過，都算係一種體驗吖」
阿佳拿著啤酒瓶道「依到咁多玻璃樽，啱哂」
我們苦中作樂，大笑了一場。
然後Jayden胸有成竹地道「不過你地放心啦，我一早留有後著，你地全部都會無事」
我疑惑地道「後著？」
Jayden從褲袋內取出了一個小盒子，笑道「為咗你地，我甘願走入墳墓...」