唉...諗住同三個friend去澳門叫雞，點知比班女友發現咗...: 95

阿佳喝道「謝子朗！我唔同你地啊，打埋哂啲風流工，我要搵食嫁！」

Jayden道「陳庭佳！你而家幾多歲啊？廿六咋！咁後生就做乜嘢都為咗錢，你仲邊有前途啊！」

阿佳道「我屋企成家人等住我開飯啊，我唔努力搵錢，佢地食屎呀！？」

Jayden低著頭，默然了一會，方才道「究竟佢地係真係需要你吖，定係你自己鐘意咩都攬哂上身啊？」

阿佳的性格十分之好，沈著安靜，而且非常為人設想。但缺點卻是往往喜歡把所有問題都攬上身，不論是家人的事情，還是朋友的事情。照道理，阿佳家裡的經濟狀況應該不是太有問題。他對下的兩個妹妹都經已開始出來工作了，亦有定時定候比家用。而他最細的細佬則剛剛升讀大學，但也好像有做點兼職來賺取生活費。



阿佳道「我鐘意咩都攬上身？樂仔(佢細佬)啱啱升大學咋，啲學費好撚柒貴嫁，你知唔知啊？唔通我有能力嘅，都要我細佬未出嚟做嘢就揹住成身大學loan咩？」

Jayden道「樂仔最近同我講，佢今個sem已經考到獎學金，嚟緊都可以用筆獎學金嚟cover啲學費，咁你仲咁辛苦為咩啊？」

Jayden之前是樂仔的私人補習老師，那時樂仔剛剛升上中學，功課跟不上，阿佳讀書又廢，沒能力教導樂仔。在沒有任何資金的情況底下，便找來了我們的尖子學生Jayden來替樂仔免費補習。一補便補了六年，樂仔的dse考得不錯，也有懶Jayden的功勞。

阿佳道「嗰啲錢係樂仔辛辛苦苦努力返嚟嘅成果，我點可以要佢拎嚟交學費啊？我叫咗佢留返嚟做生活費，或者買啲嘢嚟獎勵自己」

Jayden道「你神經病呀？係咪有自虐傾向啊？樂仔話佢可以做兼職賺生活費啊」



阿佳道「我已經同佢講咗，唔准做兼職！做學生就應該專心讀書，做乜撚嘢兼職啊！」

Jayden不耐煩地道「點解你份人咁撚固執嫁？樂仔做咁多嘢就係想話比你知，佢長大喇，可以自己照顧自己，唔洗你成日為佢操心啊」

阿佳眼泛淚光地道「我要比最好嘅嘢佢，佢叻仔嚟嫁，讀書咁叻，我唔想佢為咗錢嘅問題而煩惱啊！」

Jayden道「最好嘅嘢？係你覺得最好嘅嘢吖，定係樂仔最想要嘅嘢啊？」

阿佳道「有咩分別啊？我將我嘅希望擺哂喺佢身上啊！」



Jayden道「你嘅希望...咁你又知唔知樂仔嘅希望係咩啊？佢想你打返籃球啊！佢想再一次睇到你係籃球場上奔馳嘅畫面啊！」

阿佳曾經是香港甲組籃球員，同樣是港隊代表。司職控衛的他被視為香港籃球界的明日之星，甚至還有機會到台灣發展。但他卻在廿二歲之齡便宣布退役，理由是要專心搵錢養家，你話可唔可惜？還記得那時無論有多忙，我和Jayden也一定會抽時間去觀看他的比賽。看見他在球場上揮灑自如的身姿，作為他最要好的朋友，當然感到十分自豪。那亦是我們其中一些最開心的回憶。

Jayden接著道「你廿二歲就退役，從此唔再打波。我問你，你對唔對得住一啲鍾意睇你打波嘅人啊？你對唔對得住你嘅屋企人啊？你對唔對得住我同Matthew依兩個超級fans啊！？最重要嘅係，你對唔對得住你自己嘅天份啊...？」

阿佳激動地道「唔好再講喇！我場籃球夢已經一早發完喇！！！」

Jayden抓著阿佳的手臂道「未完嫁！聽我講，辭咗份垃圾保險工，放低你嘅擔子，打返波啦...」

此時阿佳經已泣不成聲，Jayden亦雙眼通紅。

在旁看著他們的我也忍不住哭了出來。

阿佳跪在地板上，道「太遲喇...太遲喇...」



Jayden輕輕搭著他的肩膀，道「唔遲嫁，只要你仲有嗰團火...」

阿佳有多麼喜愛籃球，看看他這副傷心欲絕的樣子便可以知道了。我真的衷心希望他能夠重新拾回自己的夢想。


此時，房門突然被人用力推開，經理滿頭大汗地趕了過來，急道「糟糕了！在櫃台那裡突然有四個女生說要來找你們！她們還有房號，不會是你們的伴侶吧？我已經幫你們盡量擋著她們了，你們快點走吧！」

我們馬上被嚇得驚慌失措。Jayden道「無可能，佢地無可能咁快搵到嚟」

阿Ted探頭往門外張看，立馬緊張地道「真係佢地啊！仲要行緊過嚟喇！」

門外傳來急速的腳步聲。

Jayden大聲道「即刻鎖門啊！」




殘存亦沒路，兵敗如山倒...