《亡命者》「選擇」「領袖」: 第九章 遺憾
宜家條防線主要係花都廣場個邊，下面就有路障，廣場上面就有警察用狙擊槍戒備。
『情況點？』用左六分鐘就去到嘅我問
『目測二百幾隻，可能後面重有援軍』係前線嘅阿sir回答
『我得三十發子彈………』我望住把左輪好無奈
『靚仔，攞去』隔離有呀叔比左把槍我
『咩槍？』
『MP5，30發子彈』佢講完再放多幾個彈夾比我
『夠用，我係到防守』
『自己執生啦靚仔』
『大家咁話啦阿叔』
我望住前面一隻隻綠眼人，佢地都無行動，係遠處偵察，我地呢邊最多都係一百人，而上方有個警察用狙擊槍瞄準其中一隻。
「砰」
打響了戰鬥嘅頭炮，我簡稱為打炮。
二百幾隻綠眼人同時進攻，有啲警察已經驚到瀨屎咁款係到亂開槍，狙擊手就槍聲不斷。
「砰！砰！砰！砰！砰！砰！砰！砰！」
而對手都係近戰令我地有優勢，不少警察平復情緒冷靜下來，而我都只係殺啲會爬上嚟嘅綠眼人
『十六隻』
『二十隻』
『三十五隻』
綠眼人源源不絕咁過嚟，有唔少警察都開始唔夠子彈，我都用左兩個彈夾重有四個未用。
而我方嘅支援終於都到左，四十名手持散彈同MP5嘅警察平均分散係防線，咩住背囊嘅警察都拎出彈夾比無子彈嘅同伴。
『靚仔，拎住』
『唔該』
用散彈嘅警察都對爬上嚟嘅綠眼人射殺，而我都放心可以遠距離狙擊。
『四十隻』
槍聲不斷，成條馬路都係綠眼人嘅屍體，令後面進攻嘅綠眼人都行唔到，我方有啲警察甚至走出防線，企係綠眼人屍體上面開槍。
『五十隻』
我殺死了最後一隻，結束呢場戰鬥。
唔少警察都攰到坐喺地下，而我都唔例外。
『勁喎靚仔』啱啱個阿叔舉起手指公
『你都唔差呀啊叔』
『多謝你喎後生仔』
『咁啲屍體點算？』
『搬去普光算啦』
『會唔會係咁呀』
結果命令真係要搬啲屍體去普光，有警察站崗，其他人就要搬屍體。
結果我地搬左兩個鐘，三百幾條屍體堆積如山
我橫眼一掃，發現到琪琪嘅父母都係入面，佢的父親依然都係恤衫西褲，母親嘅師奶戰衣都依舊係到。
佢地兩個的屍體非常之近，雖然雙眼綠色，但我無視警察要我返去的命令，走到佢地面前，搬在一起，把他們的雙手放在一起。
『安息啦，世伯，伯母，我會好好照顧琪琪嫁啦』我用雙手各自把他們的雙眼閉上。
可能係我的錯覺，我覺得到佢地的嘴角微微勾起。
仿佛知道世上最重要的親人係安全的地方比自己認同的人保護那份安全感。
一直以嚟，呢對夫妻對我的照顧無微不至，由琪琪第一次帶我上佢屋企食飯，知道我父母係外國公幹，主動做我的監護人，到世伯同我講我要好好保護琪琪，做琪琪的好哥哥。
不知不覺間，佢地巳經成為左我的再生父母，呢份報答我還唔到比你地，但係我
一定要保護好琪琪！……那怕要付出我條命
。
。
。
。
課室鐘聲響起
『Miss Chan早晨』一班中學生整齊地説
『各位同學同晨』老師回應
『今日係突擊測驗，測試你地地理嘅理解能力』老師用右手托眼鏡
『下，唔係呀嘛』
而我就訓緊覺無理佢
『考一個鐘，其餘嘅時間我就會改卷，80分以上有糖食』
『有人考到一百分點先？』有同學問
『之後個三堂我由得佢訓覺』
我頭十五分鐘就寫好答案，繼續瞓覺。
『佢係咪唔識答？』
『點知佢，佢係咪都訓』『但係唔合格Miss Chan又留堂嫁』『由佢啦』『地理個座標拎五六十分都唔係好難姐，咁都訓？』
『同學唔好嘈！』
兩個鐘頭過去，Miss Chan都改好卷。
『王同學，73分，繼續努力』
『鐘同學，60分，要温多啲書』
如是者Miss Chan讀曬全班嘅分數。
『鄭明凱同學……………100分』
『唔係呀嘛，佢都考到？』有位男同學大叫
旁邊有位女同學叫醒左我。
『做乜春呀！』被叫醒嘅我好不爽咁講
『鄭明凱同學，你係咪作弊？，你老實回答，老師唔罰你』
『我作弊？你無嘢呀？尋日先行完遠足二級，啲啊sir問嘅問題難你幾倍啦垃圾！』
『鄭明凱同學你講咩？！』
『唔係要我講多次呀？』
『你係作弊咪認左佢囉』個位男同學以大佬嘅口氣對我講
『關你撚事咩？撚樣』我不屑回答
『你講乜撚嘢呀！』
『你兩個同我停手』Miss Chan阻止我地嘈落去
『打過呀』我不理會，繼續挑釁
『驚你有牙，兄弟！做佢！』
『係嘅大佬！』
Miss Chan見情況唔對路去左通知訓導，五個靚仔企左起身，打算以人數壓制我，我啪手指準備應戰。
。
。
。
。
五分鐘後，老師同訓導都去到地理室，見到六個人訓左係地下，身上多處瘀血，臉被打腫，在地上瀨尿，重叫緊媽咪救命。
呢六個，係頭先挑戰鄭明凱嗰幾個。
而鄭明凱除左拳頭腫脹之後，身上一啲傷痕都無，彷彿無打過架一樣。
『你地無事阿嘛』Miss Chan安慰訓左係地下的學生
『你做乜打佢地？！』個訓導指住鄭明凱
『唔只佢地，我連你地都打埋！』
講完我就舉起右手衝過去打佢。