《亡命者》「選擇」「領袖」: 第八章 防守

之後嘅一個星期，主要都係附近商場擴展倖存區，班綠眼人一隻都唔見，我同班警察都懶得去理，周圍搵鐵皮，枱椅建立防線，係我地確認安全之後就會有學生去幫手搬嘢，間唔中有幾架警車同貨櫃車入去，我睇一睇原來係啲發電機，警隊裝備，同一啲露營裝備。

『做嘢啦望』一個警察同我講

我無理佢，繼續睇返防線
。
。
。
。
係同一時間 羅湖關口





呢到有幾千個人，但係佢地巳經唔算係人，因佢地嘅眼全部都係 綠色。

有一隻綠眼人比較唔同，佢身穿軍服，額頭有咬傷嘅痕跡，其他綠眼人都對佢唯命是從，佢似乎想進攻香港。

但係香港關口個邊，唔少海關同警察都建立路障，全副武裝高度戒備。

一橋之間，兩方嘅戰事　一觸即發。

不過人類個邊，有一個女人行左出嚟，佢係行政長官，林鄭飛娥，佢第一句就講。





『我想同你地談判』

佢一路講一路向前行到橋嘅中間，有兩個警察係前面保護佢。

『如果唔接受談判就即刻投降』

而佢得到嘅答案係

『鳴啊啊啊啊啊！！！！！』軍人對天咆哮





所有綠眼人進攻，林鄭着高踭鞋轉身就跑，可惜佢唔係拍侏羅紀，下一秒就仆左街。

『你試下咬我，你會被警方拘捕』林鄭都係唔死心轉身説


結果
。
。
林鄭死亡，防線死守，綠眼人源源不絕湧入橋，好似蝗蟲一樣殺唔曬，最後因為子彈不足，一個小時內三百幾名警察，二百幾名海關死亡或被感染。

而海關指揮官係死前通知總部之後都被殺害。

佔領關口之後穿着軍服的綠眼人係關口等待，等待一位至高無上嘅領袖同埋佢嘅大軍。





除左被命令留低嘅綠眼人，大約六百幾隻有感染能力嘅綠眼人同五百幾隻無感染能力嘅都進攻其他地區。
。
。
。
。
我係防線睇左成個鐘，鬼影都無隻，所以成日都偷睇下下面搬嘢班學生，思考下人生，短短一星期，宜家已經有三個商場要防守，三千個市民加五百幾名警察，有啲市民就被派去開鐵門，重有啲市民就安排地方比人住，點算食物，分派都係警察負責，市民輔佐，而陳朱肉華中學就做左臨時政府，朱達明係入面指揮。

我就係咁企左幾日，日頭就去站崗，夜晚就去安排好嘅地方訓，基於我嘅要求，我地成班少年軍同朋友都係同一層，出入比較方便，零食都比左琪琪，樂兒就會夜晚係我間房到陪我傾計，但係無做過任何大人會做嘅行為，因為我地都認為唔適合係呢啲時候做。

其他無屋住嘅市民就用五旬節于良發小學比佢地住，重有爐頭比佢地煮食，除左手機接收之外，所有水電煤都用到。

朱達明通知我聽日要去搵佢，宜今晚就同樂兒傾計，我地訓係床上，佢訓係我胸口，我地傾左好多嘢，關於屋企，關於學業，關於大家對愛情嘅睇法，傾我係少年軍的趣事，去到咁上下。

『其實琪琪會唔會太黐你？』樂兒突然問





『你呷醋？』

『又唔係嘅，只係無論幾時都好，你一有時間佢就會 黐住你唔放』

『佢可以話係我個妹，亦可以係我半個女』

『咁都得，咁你同琪琪係點識？』樂兒望我雙眼

『我同琪琪嘅相識都幾奇怪』

『講比我聽』

『好呀』

大約兩年前，我同少年軍嘅人參加步操比賽，我地幾個ＮＣＯ為左冠軍都日練夜練，但係因為有幾個隊員根本就無練過，比賽個日操得好差，結果八隊分隊入面我地只係第五名，我嬲到飯都無食就走左，個晚我着住制服周圍行，個天落雨我都無理到，一路行到室內一個公園，見到一班MK仔係到蝦個靚妹，全身濕晒嘅我想搵地方發洩，就打班MK仔，而個靚妹就係琪琪，之後琪琪就陪我係公園坐左一晚，佢知我係邊度集隊就成日都過嚟搵我，而我有時都會帶佢去迪迪尼挽，見到佢帶住個米奇頭箍甜笑嘅時候，我好似見到個女出嫁咁，我就當左佢係我半個女，而呢兩年就係咁過。





聽完之後樂兒甜笑，係我耳邊講：『如果我扮米奇又會點嫁』

『重洗講，緊係抱隻米奇返屋企』
講完我正想錫樂兒嘅時候

警報響起，有綠眼人入侵，我係要過去支援。




點解呀！！！！！！