《亡命者》「選擇」「領袖」: 第七章 琪琪

『咩都唔講以為自己好型呀！』

一拳打落我個肚。

『講嘢呀！』

又一拳打我胸口。

『屌你老母！』





佢失去耐性不斷打我腹外斜肌，而我忍著痛咩都唔講頂左一個鐘，有一拳更加打到我連人帶椅訓左落地，佢起手想再打。

『停手！』一把嚴肅嘅聲叫停左個高級警員

『yes sir』個高級警員隨即收手

我不斷喘氣，連續畀人打咗一個鐘先有人嚟，佢重要用拳套打無左拳頭印，高明。

『抬返起佢』個阿sir講





『yes sir』個高級警員抬返起我坐係到

『你就係鄭家榮？』個阿sir問

『我答唔係你地咪打錯人打左成個鐘？』我反問

『你好似唔知自己處境？』

『大家咁話』我冷笑





佢拎起手上的檔案。

『鄭家榮，今年18歲，係屯門讀VTC，身高175，無犯罪記錄，去過一次消防訓練營一次軍訓，拎過金斧頭，軍訓射擊訓練25米打20槍20槍爆頭，各方面都係班上最好，被教官評A級新兵』

『讀完啦？』

『我係朱達明高級督察，同你做個交易』佢自我介紹

『咩交易？』

『遲啲我地會派人出去收集物資，我要你入隊』

『點解？你地咁多警察』

『因為你嘅射擊能力，判斷同陣營安排都好過我地嘅警察』





『睇得出』我望向朱達明旁邊條廢柴

『你咁講姐係你肯？』

『我有咩着數？』

『槍枝擁有權，居屋權，頭先搶警隊裝備都可以唔追究』

『條件幾吸引，但係你有咁大權力批准呢啲嘢？』雖然條件好吸引，不過我都要問一問

『哈，當然有』

『點解咁講？』





『宜家政府落命令我地係各地區建立防線，而我就係呢到嘅最高指揮官』朱達明點煙説

『睇你個樣遲早會逼啲學生岀去收集物資，如果唔係就冇地方住』

『緊係啦，唔做嘢就想白食白住，而你就可以早啲選擇』佢用煙頭指住我

『無問題呀，但係我重有一個條件』

『講呢聽下』

『我要食物方面加零食』

『哈哈哈，無問題』

『咁可以鬆手銬未？』





『解開佢嘅手銬』

『yes sir！』

個二打六出返嚟幫我解開手銬。

『無咩就唔好搞事啦』

『收皮啦你，二打六！』

我講完之後就出左去，原來班警察用商場做基地，所以一般民眾都入唔到嚟，而我拎新嘅左輪手槍同四個快速上彈器加埋三十發子彈，之前啲裝備都比返我，換左件警隊制服，着埋條腰帶，出到去嘅時候，有一大班人過嚟迎接我。

『家榮！』





『madam poon，榮sir，兔仔，candy，你地都係到呀』

樂兒想過嚟攬住我，但係比人搶先一步。

『榮哥哥！』一個小女孩攬住我講

『琪琪！』我抱起琪琪

『你地係點到呢到？』我抱住琪琪問

琪琪，11歲，身高一米三，甜甜圓圓的臉蛋上掛著一對好看的小酒窩，一雙水汪汪的眼睛，不時滴溜溜地轉動著，顯示也一股機靈而淘氣的勁兒，長馬尾，性格開朗，好中意黐住我。

佢地解釋返我唔係到嘅時候所發生嘅事

『原來係咁』我望住係附近讀書嘅琪琪

『佢地點對你？』兔仔難得關心下我

『係囉，佢哋點對你？，同埋你點解着軍裝嘅？』candy都接着問

兔仔，16歲，身高一米六，平陰空氣，平板電腦，性格隨和，不貪慕虛榮

Candy，16歲，身高一米六七，戴四方大框眼鏡，性別真性情，唔做作

呢對孖寶姊妹成日一見面就嘈到拆屋。

『呢個問題唔講住，你地等足一晚？』我宜家先知自己訓左一晚

『係呀，屋苑啲人有地墊呀棉被呀放落嚟比我哋墊係地下訓』榮Sir回答

蔡國榮，人稱榮sir，28歲，身高一米七六，標准身材，都係少年軍嘅領袖人物，戴住副圓形豹紋眼鏡

『原來我尋晚係訓得最好嗰個』

『算吧啦，尋晚飛宏差啲就想上去救你落嚟』madam poon一掌打我肩頭説

『食蕉啦，我想睇下有無人無打佢咋』飛宏攬住心姐對住我地講

『咪係』心姐附和

『唉，口是心非』kinglam望向飛宏

『無所謂啦，最緊要你地無事』

『但係馬嬲同詩詩都唔係到』madam poon擔心

『佢兩個平時係分隊咁叻，咩都係佢地做，唔洗我幫啦』我聽到佢地個名不禁憤怒

『又唔好咁講，大家都係隊友』榮sir見情況有變想打個和

『我鬼係佢哋隊……』我咆哮説

『鄭家榮，請到商場聽下次任務簡報』一位警察打斷了我

『任務？』所有人個頭都有個問號

『唔幫手邊有飯食？』

『榮哥哥你要走啦』琪琪望住我講

『係呀，哥哥好快會返嚟，重會帶啲零食比你』我慢慢放低琪琪

『好嘢』琪琪開心咁講

Madam poon拖起琪琪的手對我說

『一路小心』

『知道』

我行左去樂兒到。

『我走啦』

『嗯，路上小心』

『知道』

講完我親樂兒的臉，轉身就入返去商場，聽下次任務簡報。