[人性] [感情事]我不會講你知，其實是第幾次: Dada自白篇 (10)
"乖，話我知咩事好冇?" hugo問我。
我冇出聲，只係捱係hugo心口喊。
"呢到係我同佢第一個旅行既地方。
我永遠都忘記唔到同佢係到有幾快樂。
我愛佢愛到第一次都係到俾埋佢，
點解佢要咁恨心唔要我..."
其實呢段說話仲有後半部份架。
"當我搵到你可以代替佢，
點解我地又唔能夠係埋一齊呀？
我同你一齊遠比前度快樂呀....
如果你唔中意我，做乜事要對我咁好呀？"
"傻妹，你一定會遇到一個更好既人。
呢個人會照顧你愛惜你。
好好放低，向前走啦好嗎?"
呢個人可以係你嗎？
"我既意思係，不如你做我女朋友好嗎？
我會帶住你走出呢段咁不堪回首既記憶。
或者我唔細心，但我會全心全意照顧你。"
Hugo突然既示愛，其實令我又驚又喜。
"Hugo...我唔想當你係水泡。"
其實，係我唔想你當我水泡。
原來當你同我示愛既時候，我又要擔心你唔要我要番stella...
不過係你令我知道，
原來拍拖可以咁快樂。
原來拍拖唔一定要有性生活。
係你令我相信原來愛可以咁簡單。
但係，當我完全投入去愛你既時候，
點解你要俾我知道左你咁做？