[人性] [感情事]我不會講你知，其實是第幾次: Dada自白篇 (9)
自從Hugo應承我陪我去唔同地方之後，
我地真係周圍遊覽。呢段時間真係好開心！
但係開心既時間直至一個女仔出現。
rose...
Hugo為左佢，同我愈見愈少。
我甚至主動要求陪我去南丫島，佢居然叫我同第個去...
我對佢有少少失望架。
或者，當佢墜入愛海既時候，我就要退出佢既生活。
我日等夜等，終於等到Hugo搵我喇。
"Dada！做緊咩呀？有冇掛住我呢？
" 哼！呢條友仔，扮哂冇野咁！
當然，佢肯主動陪番我去南丫島，我仲可以有咩要求丫。
佢係南丫島為我準備既事，我呢一世都唔會忘記。
點解？因為佢做咁多野，我以為佢同我示愛架！
我同Hugo起起跌跌，都無損我地之間既情感。
但係，我唔覺得我地之間有變做情侶既感覺。
或者我同佢做朋友會比較岩呢？我都係唔好奢求同佢一齊喇....
我既最後請求，就係同佢去日本。
我知道，我同前度去過既地方，終有一日會去完。
即係我同hugo可以去既地方，亦一日比一日少。
"Hugo，多謝你專登陪我過黎日本。" 其實我係想多謝佢一直以黎為我做既事。
其中一晚，當我諗起前度，又見到眼前既hugo咁唔嗲唔吊。
我忍唔住去左廁所喊。