[人性] [感情事]我不會講你知，其實是第幾次: Dada自白篇 (11)
有一日既早上，我收到一個神秘既message。
"我勸你離開Hugo。佢唔係一個好人。"
"你係邊個呀？"
"我係你地之間既第三者。"
"痴線，冇可能。"
我同Hugo日見夜見，而且我相信佢。
佢一定唔會對我唔住。
"我已經提醒左你，你唔好後悔。"
莫名其妙。我相信Hugo一定唔會咁對我。
又過左一排，我又再次收到呢個神秘message。
今次，係一張自拍照。
入面，係一個短髮既女仔同Hugo。
"你想點呀究竟？"
"你點解咁信佢？"
"佢每次出去都會同我講，我絕對信任佢！
你究竟係邊個呀？點解想破壞我地？
你就係相中人？"
個個人冇再覆我。我忍唔住好奇心，
上hugo facebook搵下有冇呢個人。
搵到喇，原來叫琪琪...
嗯...hugo好似提過佢之前去接個朋友機，
就係佢？究竟個神秘人係咪佢呢？
不過點都好，我對我自己既男人絕對信任。
朋友之間影下相，好正常姐。
直到有一日，我搵極都搵唔到Hugo...