[人性] [感情事]我不會講你知，其實是第幾次: Dada自白篇 (6)
"Ada，雖然我唔知個個男仔係邊個。
但係既然佢咁對你，你又何苦要為佢作賤自己？
放低佢你先可以走向前。"
"但係我放低唔到呀。" 我好細聲咁講。
"有冇聽過一句說話？
愛情就好似拎住一杯滾水，
痛到頂唔住就會放手。"
"我已經盡力唔諗佢架喇...但係佢成日都係我腦海出現。" 我抬起頭，雙眼通紅咁望住Hugo。
"如果我叫你千其唔好諗一隻粉色既大象，
你腦海第一個出現既影象就會係呢隻粉色既大象。
忘記，唔需要刻意去做。
順其自然，唔好咁執著啦。
我都俾人傷害過，我明白你既感受。"
我望住Hugo，呢一刻我覺得佢好好。
"由今日起，你係我既好朋友。
有咩唔開心既，隨時同我講。
不過我有一個要求。"
"你唔係而家先要同我上床呀？" 我破涕為笑。
"認真架頂你。我希望你當我係Hugo，而唔係個個男人。"
"好。對唔住呀，我唔會好似個低b妹咁煩住你。
不過，我都有個條件。"
"咩呀？"
"可唔可以俾我攬下你...."
由呢一刻開始，我對呢個男人芳心暗許。