[人性] [感情事]我不會講你知，其實是第幾次: Dada自白篇 (5)

我feel到佢有左生理反應。 
"你仲話唔想要？" 我摸住佢心口問。 

"Ada，你聽我講，你醉喇，乖啦冷靜少少好冇。"

冇可能，男人都只係諗住性架咋！ 
我想除衫。 

"你做乜呀！穿番佢啦凍鬼死你呀！"佢禁住我唔俾我除。 



"Hugo，我俾多次機會你！你真係對我完全冇興趣？"　 

"我地係朋友嘛。你冷靜d啦好冇？"　 

點解會咁架...一個男人可以為左上床而氹我厄我。 
呢個男人連床都唔想同我上。 
我忍唔住抽泣。 
喊喊下我就攬住左Hugo，僕左係佢膊頭喊。 

"對唔住Hugo，攪到你。" 



"傻啦，你係咪有咩事？" 

"我...你有冇興趣聽下故仔？" 

"嗯，好呀" 

"我岩岩分左手，我既男朋友背住我同第二個女仔上左床。 
我發現左，但係我真係好唔捨得佢。 
佢應承左我，會同個個女仔分開。 



點知，我發現左佢居然仲有第三個！ 
我就知道我地冇可能再係咪一齊。 
個陣我好激動，我打左佢一巴。 
佢就發哂癲咁打我，話我淫婦，佢淨係想同我上床咋。" 

"跟住落黎，佢仲周圍唱我。 
話係我呢樣唔好，個樣唔好，又同男仔玩得好埋。 
呢段時間我真係好唔開心。 
直至我遇到你，你既行為動作令我諗起佢。 
偏偏你性格同佢好唔同。 
所以我就成日煩住你，想痴住你。 
對唔住呀Hugo，我知我煩到你... 
但係我不知不覺當左你係佢喇..." 



邊個又估到，日後既hugo同呢個男人，根本冇分別。