[人性] [感情事]我不會講你知，其實是第幾次: Dada自白篇 (7)
時間過得好快。我同Hugo熟絡左好多，好多時我地都形影不離。
但係有一日，佢就突然間對我不聞不問。我都唔知發生咩事。
我決定問清楚佢。
知道左佢同Stella既事之後，我個心有少少痛。
雖然我一直都覺得做好朋友就夠喇。
我問左佢一句：
"你仲記得當初佢愛既你係點樣嗎？"
"佢好似講過樣衰，肥仔，黑人憎囉..."
"我唔理佢中意你既係樣衰又好靚仔又好，
重點係佢中意你做番自己呀。 你撫心自問，咁多年黎，
你改變左幾多？"
"咁人係會大架啦。 對每樣野既睇法都會改變，
對愛情都唔例外。 你估我唔想做番以前既我咩？
但係，我寧願受傷既係人地唔係自己。" Hugo反駁。
"咁講既話，即係你寧願受傷既係Stella？
如果係咁既，你仲有咩資格話你愛佢？
我而家見到既，只係一個收藏自己係陰暗面，扭扭擰擰既你。
一d都唔charm。
你咁樣，就算你唔同女仔friend，Stella又點會睇得起你？
如果你做番自己，你同女仔有幾friend，佢都係會愛上你。
愛就係愛，唔愛就係唔愛。幾時要拖其他人落水？"
我唔想Hugo變到咁樣。
"佢睇唔睇得起我唔關你事。"
"Hugo，你唔覺得咁樣好辛苦咩？"
我上前攬實Hugo。
我個心，跳得好快。
如果可以永遠同佢一齊，你話幾好呢？