[人性] [感情事]我不會講你知，其實是第幾次: Dada自白篇 (2)

好快就完左PRECAMP。 
我見Hugo傻下傻下，成個傻仔咁企左係到。 
嘻！佢都幾可愛喎。 
我就走埋去： 
"你電話幾多號呀?" 

佢冇反應，諗野諗到出哂神。 

"喂，hugo？你做咩發牛豆呀？你電話幾多號？" 我再問佢。 



"sorry，我電話係....." 

"喂！我電話同你差兩個字咋！好岩呀！" 我好似發現新大陸咁興奮。 

"咦，係喎！哈哈！"　成日以黎我終於第一次見到佢笑。 

可惜佢唔去玩丫。我一心以為佢會去我先去架咋... 
唔知佢做緊咩呢？SMS下佢先 

"喂，我係Ada呀！做緊咩呀？" 



"好悶呀呢到，早知唔黎啦。" 

"嘩！你記唔記得今日既Peter同呀儀？佢地玩到咀哂咁啦。" 

"唔應機架你！哼！" 

唔應人架，應該係訓左喇。 
其實我係咪主動得濟呢？ 
我仲以為男人都中意女人主動... 


直到早上，我先收到Hugo覆我 

"sorry呀琴晚訓左" 

"咁早訓？我地岩岩先玩完去緊食早餐咋。 
你出唔出黎？" 
有冇攪錯呀！你幾時學到咁唔知醜架。 
但偏偏我又不能自拔。 

"唔喇，你地玩得開心D。" 

"點解唔出呀？" 

"我去跑步呀。" 



"出啦出啦出啦！你住邊呀？" 

之後佢就冇覆我喇。 

唉，平時既我明明係等人地黎追我架嘛。 
點解我會咁主動架... 
唔通，我潛意識當左Hugo係我前度？....