[人性] [感情事]我不會講你知，其實是第幾次: Dada自白篇 (3)
"咁益佢？叫佢去隔離組，搵個女仔示愛啦！"
"就咁話啦！Hugo快手d！"
話說今日又係precamp，我竟然見到hugo要同人示愛。
佢會唔會搵我呢？
但係結果佢搵左另一個女仔。
哼，懶係情深咁。
隔左一陣，我竟然見到Hugo仲係到同個個女仔傾緊計。
等佢傾完之後我就走埋去。
"喂！你死喇你溝女？"
佢冇出聲。
"做咩唔答我呀？你心虛呀？"
"Ada姐，我溝唔溝女好似唔關你事架喎？"
佢好大聲同我講野，俾佢嚇死！
"洗唔洗咁大聲呀！同你玩下姐！"
我嬲包包咁走左去，佢都唔追番我！
佢好冇風度呀！
後黎我同佢講大家會去飲野，點知佢又唔去！
唉，邊個話女追男隔層紗架？
時間去到深夜。
我都飲左唔少，佢地唔知點解話Hugo好奇怪，
話佢唔埋堆。
"我叫到佢一定會出黎囉！"
我兩杯落肚，講野冇哂分寸。
要佢出黎...唯有扮出事啦。
Hugo真係黎左呀！原來佢都會擔心我架！
不過佢好似嬲嬲地喎...
唔知點解Hugo突然又同我講野，
仲係咁隊我飲...
我飲到咁上下，見身邊個班狗公係咁話送我番屋企。
睇見都唔開胃！呀！有喇！
"唔洗你地送我！我上Hugo到呀陣間。"
嘻，對唔住喇！借你過橋。