[人性] [感情事]我不會講你知，其實是第幾次: Dada自白篇

時間追溯番去好耐好耐以前，我岩岩入大學個陣。 
大家好，我係Ada。 

我岩岩同男朋友分手， 
我真係傷心到極點。 
點解我咁愛一個人，佢要咁對我？ 
原來佢只係為左同我上床.... 
而家真係咁蠢信左佢.... 
我諗我唔可能再愛上一個人。 



直到去到precamp既一日，我遇上左一個男人。 
令我心動既男人。 
佢既行為舉止都好似我前度， 
我都忍唔住望到佢兩眼。 
而個天可能聽到我既心聲， 
佢竟然係同我一組。 

當大家介紹緊自己既時候， 
佢居然同我講野！ 



"咩叫a1呀？"佢問我。 

"A，即係Available；1，係拍拖既次數。"我答番佢。 

我好想了解多d呢個男人呀... 
佢雖然好似我前度，但係佢又散發出一種佢獨有既魅力。 

"我叫Ada，都係A0。大家多多指教。" 到我介紹自己。 
我打左個眼色，叫佢唔好篤穿我。 



"我叫Hugo。A2。" 
原來佢叫Hugo。 

我見Hugo好似好唔投入，我鼓起人生既最大勇氣走向佢。 
"hey hugo，做咩咁悶咁既？" 

"唔係呀，天氣太熱姐。" 

"come on，過黎一齊玩啦，要hyper d！" 
我拉住佢隻手，嗯，好暖。 
唔知佢會唔會覺得我太主動呢？ 

呢日，係我同hugo第一次拖手紀念日。