[人性] [感情事]我不會講你知，其實是第幾次: 百般滋味在心頭

"喂呀衰人，做咩唔聽我電話既？" 

"夜媽媽得我一個人，而家又行雷閃電，我好驚呀。" 

"我好掛住你，可唔可以聽下你把聲呀？" 

"傻佬你應該訓左？好啦早抖喇寶貝。" 

"早晨呀懶蟲！你仲未起身？" 



"喂呀！2點喇喎！你去邊呀？" 

"你唔好嚇我呀....你係咪出左事呀我好驚呀！" 

"快d聽我電話唔好嚇我啦..." 

"叮噹"　門鐘劃破左我既思緒。 
我走去開門，當然係Ada。 

Ada一見到我就已經喊哂口，衝左上黎係咁打我心口。 



"你嚇死我喇衰人...我搵左你兩日喇！ 
你去左邊呀？你係屋企又唔聽我電話？ 
你係咪想嚇死我呀...." 

我冇出聲，只係將Ada一擁入懷。 
Ada打夠左，就僕左係我心口，攬住我繼續喊。 

"sorry呀Dada。我... 
我唔係好舒服，食左藥好似昏迷左咁。" 


事到如今，我只能夠講大話。 

"你冇事丫嗎？你見邊到唔舒服？ 
睇左醫生喇？" Ada關心咁問。 

我見Ada因為我病左佢又唔知而一臉自責， 
我就更內疚。 

"冇..冇乜事。我好餓呀成日冇食過野， 
你陪我出去食好冇？" 

"唔好，我煲粥俾你食啦你乖乖地。" 

望住Ada既煮野食既背影，我覺得好對佢唔住。 
你有試過欺騙一個完全信任你既人嗎？ 


你有試過因此而內疚嗎？