[人性] [感情事]我不會講你知，其實是第幾次: 補償

呢一晚，Ada話要留低睇住我。 

"你屋企又冇人睇住你！有咩事點算呀？" 
有一個咁既女朋友早應該知足。 
雖然話佢要睇住我， 
但佢反而比我更早訓左。 
我諗個傻妹擔心左成晚應該好攰。 

我沖完涼之後就跳左上床，從後攬住Ada訓。 
我攬得好實好實，好怕佢係我身邊溜走。 


Ada應該俾我整醒左。 
佢轉身望住我，輕輕鍚左我一下，就合上眼繼續訓。 

而我，差唔多成晚都冇訓過。 

第二朝，我同Ada走哂d堂， 
選擇一齊食個早餐。 
諗左成晚，我想盡我能力補償俾Ada。 

我地興之所至走左去赤柱，到美利樓參觀， 


去沙灘漫步，係廣場感受陽光既和煦。 

"如果我地日日都係咁幸福，你話幾好呢。" 
Ada望住日落，感觸咁講。 

"嗯，我地以後都一定會好幸福，一定。" 
我既腦海響起chilam既十指緊扣。