[人性] [感情事]我不會講你知，其實是第幾次: 夢醒時分

一覺醒來，已經係旁晚時分。 
一張開眼，琪琪同張床單就自然浮番出我腦海。 
食左朋友都算，仲要係豬.... 
你點對得住Ada呀。 

而家既我面對住一個兩難局面。 
究竟我應該當係一夜情，繼續同Ada生活落去； 
定係我應該負責任，照顧琪琪，同Ada分手？ 
我冇答案，但我至少有責任同琪琪攪清楚件事。 



我打算send whatsapp俾琪琪， 
先發現原來有好多missed call。 

12 個未接來電 "Dada豬" 
仲有30個message... 
我決定先搵琪琪解決左先。 

"起左身未呀？" 我問琪琪。 

"嗯，起左一陣喇。" 



"I am really sorry my dear..."　我真心致歉。 

"It is okay."　我唔知道琪琪呢一刻既心情。 

"我地仲係朋友呀可？" 我知道呢個係一個奢求。 

"嗯。" 

我地既對話僅此而矣。 


我以為我可以同佢講番琴晚件事，但係我講唔出口。 
我實在冇勇氣同琪琪講我會照顧佢一生一世。 
原來咁多年黎，我早已經放低左呢個女人。 
可悲既係，到左今日做錯事，我先知道自己應該一早遠離佢。 

經過呢件事，我更知道我冇可能放低Ada。 
連同佢分開既念頭都唔想有。 
或者你會鬧我自私，但愛本身就係自私既行為。 

我只可以慨嘆早知今日，何必當初。 

我打開Ada send俾我既message...