[人性] [感情事]我不會講你知，其實是第幾次: 樂仔既煩惱

話咁快又就黎開學。 
有一日，樂仔搵我出去飲野。 

"點呀你？我好少見你想飲野喎。" 

"冇呀，想飲下野放鬆下姐。"樂仔愁眉苦臉。 

"你有野煩緊咩？唔似你喎！"　的確，樂仔好少咁既樣。 

"唉，Candy逼得我好緊姐。 


成日呢樣管個樣管， 
出個街又要理， 
又要打電話報度， 
差在未叫我去到邊都要係facebook check in一次咋。" 
樂仔講完之後，就將支啤酒一飲而盡。 

"唉！飲杯啦兄弟。 
有冇同佢講過先？" 

"講鬼講馬咩。佢邊到會聽人講野架！" 


咁又係，Candy真係好鬼硬淨。 

"唔試下點知呢？ 
你唔溝通下佢又點知你諗咩先？" 

"喂，你唔似會講呢d野喎。 
大個仔喇喎下？" 

"鬼咩，仲好似以前咁乜野都死衝爛衝就死啦。 
放鬆d，搵佢傾下啦。" 我拍一拍樂仔膊頭。 



經歷左咁多事，諗野點都會成熟左既。 
雖然我都唔知自己係大個左， 
定係只係旁觀者清。 

不過事實證明，我始乎仲係後者。 
有咩事我就騰哂雞唔識解決，死衝爛衝。