[人性] [感情事]我不會講你知，其實是第幾次: 考驗

時間已經去到開學後。 
今年我係final year，好多野都更加忙。 
我除左花好多時間係追gpa之外， 
又要拍拖啦，又要番part time。 
真係冇乜時間淨。 

好多時我同Ada既活動，都變左上我屋企。 
我又做我既野，佢就會拎書出黎睇。 
好記得Ada第一次上黎既時候 (其實係第二次...) 
我老媽子好似幾中意佢。 


係咁問Ada我有冇蝦佢。 

有人話，拍拖耐左，就會冇左當初既激情。 
愛情會變成細水長流既感情。 
有人過到呢關，就可以繼續走落去。 
有人捱唔住，就會唱下歌： 

互纏著到老　不死都疲勞 
還是跟你痛快結束 



我地兩口子不知不覺有少少老夫老妻既感覺。 
當然，Ada係一個好女人，安於本份。 
就算我冇為佢做乜野，準備乜野驚喜，佢都冇所謂。 

直到有一日，我無聊得濟打開左久違既msn。 
自從有左facebook/ whatsapp之後， 
我真係好耐好耐冇開過msn。 

一上線就有一個對話方塊。 
見到佢個名，我先知原來自己好耐好耐冇搵過佢喇。 



琪琪。