[人性] [感情事]我不會講你知，其實是第幾次: 暑假

"噓，講呢D。" 

我實在無辦法正面回應Stella呢句說話。 
如果如果，如果乜野都可以從頭黎過， 
我就唔會同bobo個八婆一齊啦！ 

不過點都好，我地終於做番正常朋友。 
都算了左我一件心事。 

時間過得好快，sem2話咁快就完喇。 


由於意識到好快就要搵工，我花多左好多時間係學業上。 
拿拿拿，唔洗驚。 
我唔會因為同一個原因而失去Ada囉。 
我同Ada都過得好快樂， 
我地漸漸變得比較似情侶， 
唔似得岩岩開始個時咁尷尬。 

今年暑假，為左唔好重蹈覆徹，我冇左去ocamp幫手。 
取而代之既係搵左份係中環番工既intern。 
Ada聽到之後不知幾開心。 


除左因此我搵到野做之外， 
仲要因為我話佢聽公司得班大姐姐， 
佢就話唔洗擔心人地會睇得上我喎。 
丫！睇少我？ 

不過，師兄教落，職場既野， 
係到食唔好係到柯， 
我當然做番平時既我，即係乖乖仔啦。 
所以係公司都冇乜特別事發生。 



搵到錢既時候，我又會同Ada食下大餐。 
去下唔同地方玩。 

至於Stella，我地都會間唔中聯絡既。 
佢同軒仔始乎都冇乜特別事發生。