[人性] [感情事]我不會講你知，其實是第幾次: 如果命運能選擇

"係呀個陣我同你一齊，邊會同其他男仔熟丫。 
我同佢聯絡，係我同你分手之後。 
有一次我係街撞到佢，佢叫我，話係你朋友。 
話有少少野想搵我幫手。 
我都覺得佢好熟面口，所以就冇所謂啦。" 
Stella解釋俾我聽佢地相識既情況。 

我心諗，你咁憎我，你又幫我既朋友... 

"之後我同佢就熟絡左。 


直到我同Darren分左手， 
佢就好快同我示愛。" 
Stella繼續講。好明顯，Stella就應承左佢啦。 

"你睇清楚左佢架喇？ 
我同佢唔熟，我都唔敢亂比意見呀。" 
我心入面好怕Stella又遇到唔好既男人。 

"嗯，我覺得佢都幾好既。 
不過我都識得保護自己，佢既要求我都拒絕。" 


要求自然係指性。 

"咁咪好囉。男人唔識珍惜呀，睇定d先啦。" 
呢句說話由我講出口好似冇乜說服力。 

就係咁，呢一晚我同Stella最主要都係傾下佢既事。 
佢偶爾都會問下我同Ada既事，不過我冇講太多。 
佢又會鬧下我個陣唔識珍惜佢， 
我唯有笑笑口咁講係囉係囉。 



傾傾下，佢突然話： 

"Hugo，你講野成熟左。 
"如果，你個時成熟d，你話幾好呢？" 

如果命運能選擇。