[人性] [感情事]我不會講你知，其實是第幾次: 我不難過

隨後佢地又唱左幾隻歌， 
都係我專登揀俾Ada聽。 
大意都係叫佢忘記佢前度。 

最後就既一隻，係"我不難過"。 

"我真的懂 你不是喜新厭舊 
是我沒有 陪在你身邊當你寂寞時候 
別再看著我說著你愛過 別太傷痛 
我不難過 這不算什麼 只是為什麼眼淚會流我也不懂 



就讓我走 讓我開始享受自由 
回憶很多 你的影子也會充滿我生活 
我並不懦弱 你比誰都懂 
雖然寂寞 這會是我 最後的寬容" 

表演完之後，我就多謝個幾位朋友，請佢地離開。 
呢個時候我望向Ada，佢已經哭成淚人。 

"做咩喊到咁呀！" 我即刻搵紙巾。 



"冇野呀！做乜鬼最後要唱我不難過呀！ 
我同佢分開個陣日日都聽..." Ada抺乾眼淚。 

"哎呀呢個我真係唔知道... 
不過點都好！我只係希望你知道， 
你既事我絕對上心。 
應承左你既事，我一定會做到！ 
好喇唔好喊喇！你喊真係好醜樣呀！" 



"你係咪想死呀？" 

"講笑咋！你最靚女喇！" 

"喂！衰人。" 

"嗯？" 

"多謝你。" 

就係咁，除左氹番Ada外，我亦都借呢個機會希望幫到佢忘記前度。 
我地既關係又變得以前咁好。