[人性] [感情事]我不會講你知，其實是第幾次: 原諒我

"做咩要合埋眼呀？你想咀我呀？" Ada古靈精怪咁問。 

"咀你就唔洗合都咀得啦 " 我真係偷襲左佢塊面一下。 

"你個變態咸濕佬！" Ada又打我。我發現佢成日都打我。 

"好喇好喇！快d合埋眼啦大人。" 

Ada乖乖地合埋左眼。 
我立即狗衝去同我幾個朋友會合。 


佢地已經一早係沙灘既一邊等緊我既指示。 
我地拎出幾個結他，咪，以及其他既工具， 
靜靜雞咁去到Ada面前。 
我就坐番係Ada身邊。 

"可以開番眼喇！" 

Ada見到眼前幾個人，好似平時係見到人地街頭賣唱咁企左係佢面前。 

"嘩你攪咩呀！"Ada哭笑不得。 



我示意Ada唔好出聲。 

"是咁的，今日我地收到一位朋友既點唱。 
佢想點唱俾佢一位最好既朋友靚女Ada小姐聽。 
事緣佢好唔識死咁樣得罪左Ada小姐， 
佢好希望Ada小姐可以原諒佢。 
所以我地特別準備左呢隻歌，送俾Ada小姐。 
希望佢可以原諒個個又蠢又花心既死肥仔啦！" 
主音開口解釋咩事。 



"喂！台詞都冇呢句！"我抗議！ 
佢地示意我唔好出聲。 
我唯有死死氣收聲。 

"請原諒我　原諒我不成熟...." 

佢地以一首"原諒我"作開首。