[人性] [感情事]我不會講你知，其實是第幾次: 紋身既女孩 (4)

"你roommate呢？" Rose拎住d酒問我。 

"唔係到呀，佢成日都唔番黎既。" 

我地吹下水，傾下往事，不知不覺大家都飲左唔少。 
呢個時候，Rose想去廁所，不過差少少就仆左係到。 
我伸手去扶佢條腰，佢都攬實我企番穩。 
呢個姿勢其實有少少尷尬，就好似一對情人攬住對方咁。 

原先我以為佢會縮開手，點知佢冇。 


仲要望住我眼都唔斬。 
結果係我又望住佢，佢又望住我。 
正當我想移開我既視線時，Rose突然咀左落黎。 

我地情不自禁咁不停濕吻。 
佢攬住我條頸，我輕輕掃佢背脊。 
不過，我地並冇進一步既行動。 

呢個時候，佢就先開口。 



"我去廁所呀！" 

究竟係咪而家既女仔咁隨便？ 
我望唔透。定係佢中意我？ 
嗯，一定係，唔係邊有咁多功課問？ 

佢出番黎之後， 
我地之間又好似冇野咁繼續傾計。 
只不過有時佢會捱落我到，有時我又會攬住佢條腰。 
到差唔多天光既時候，佢就番去自己房喇。 



我冇諗咁多，畢竟飲得太多酒，個頭好痛。 
我訓上床，好快進入昏睡狀態。 
我訓醒既時候，已經係黃昏。 
我慢慢醒番起琴晚同Rose發生既事。 
我諗我係咪應該攪清楚我同佢既關係呢？ 
佢都係一個幾好既女仔丫，又勤力。 

我禁一禁電話，見到幾個Ada既message。 
我又有少少內疚既感覺。 
始乎我同Rose愈熟，我同Ada就會愈疏離。 
愛情同朋友真係不可兼得？ 

呢個時候，正當我以為呢一切都係幸福既抉擇。 
又有邊個估到，呢個係惡夢既開始？