[人性] [感情事]我不會講你知，其實是第幾次: 紋身既女孩 (5)

我同Rose自個次起，成日都會約埋食飯同飲野。 
Rose有陣時都會俾d暗示我，所以我深信佢係中意我既。 
不過我地仲係維持住好朋友關係。 
除左我自己都唔知自己有幾中意佢之外， 
如果因為咁樣而傷害到Ada我就覺得好唔抵。 

好多人都試過俾戀愛表面欺騙左。 
表面睇到既野，唔一定係事實。 

"Hugo，今日我想去南丫島呀！" Ada其實唔止第一次問我。 



"但今日我唔得喎。" 南丫島之旅拖下拖下已經成個月。 

"你呢排攪咩呀？成日都唔得閒。 
你真係同個個女仔搭上左？"　我聽唔出Ada既語氣有咩含義。 

"咩搭上呀，你可唔可以唔好咁難聽呀？" 

"得，咁你幾時陪我去南丫島？" 



"再算啦好冇？" 我真係唔知幾時得閒。 

Ada冇再講乜野。 
我今日陪唔到佢既原因，係因為我約左Rose。 
呢日，我地又係hall到飲野。 

嗯，呢排見到佢，都有種曖昧既味道。 
不過今日既Rose有少少特別。 
我有預感佢有野同我講。 



"Hugo，其實你係咪中意我？" 

哎呀？有趣有趣，黎一個反客為主。