[人性] [感情事]我不會講你知，其實是第幾次: 紋身既女孩 (3)

就係咁，Rose拎住好多lecture notes，同我一齊食飯。 

"我仲以為你問哂，你都幾好學架喎。" 我冇諗過有人會拎住d notes話一路食飯一路問。 

"我蠢丫嘛！所以緊係一次過問哂你啦！" 

"咁樣點食飯呢？"　 

"食完飯先傾啦咁我地！" 



我同Rose係year2既上半年，就係因為咁樣而熟絡左少少。 
中間試過好幾次因為應承左佢教佢野，而去唔到同Ada食飯。 
Ada都開始變得有少少緊張，佢都開始注意到Rose既存在。 

"喂Hugo，又唔得閒同我食飯呀？ 
又約左個個咩Rose？" Ada都未等我開口就窒我。 

"係呀，應承左佢教佢野嘛。"呢句係真心說話。 

"有冇咁多野問呀佢？" 我聽得出Ada好不屑。 



"人地好學姐！" 

"Hugo哥，我都好多野唔明呀！你教埋我啦不如？" 

"唔好玩啦！唔同你講住喇！" 

事實上，由於Rose建立左一個勤奮好學既形象， 
我對佢的確有少少好感既。 
當然，我唔打算做D咩。 


畢竟，係心入面要收埋琪琪，Stella同Ada既各種關係已經好吃力。 

直到有一日。 

"Hugo，今日我唔想溫書喇！" Rose突然同我講。 

"哦，冇所謂呀，咁下次見啦！" 

"唔係呀，我指我地之間都唔係淨係溫書架姐！ 
不如今晚我地出去飲野？" 

"飲野？你岩架咩？" 

"想試下飲之嘛！一係我地買番hall飲？ 
咁我醉左都冇事嘛！" 



"你中意啦！我冇乜所謂，就你。" 

跟住Rose就買左d酒，直剷上我既hall 房。