[人性] [感情事]我不會講你知，其實是第幾次: 紋身既女孩 (2)

"Hugo爸爸，你得閒嗎？" Rose 係msn問我。 

"嗯？做咩呀？"　 

"有d野唔太明，我想請教你呀！"　嘩，呢個女仔唔似咁勤力喎！ 

"我盡量答你啦，我都唔太識架！"　事實係我入左大學之後真係冇乜讀書。 

不過，Rose問既問題都唔係太難，所以我都可以解答到佢。 



"太好喇！多謝你呀爸爸！ 
話時話，你有冇住Hall架？ 
我住14 樓架。" 

咁岩？我真係琴日先搬入黎住... 

"我岩岩搬左入15樓呀。" 

"哈哈，咁即係你而家係hall？不如一齊食飯？ 
我roommate唔係到呀！" Rose仲要打多隻笑既公仔。 



"好呀，轉頭見啦！" 

呢個時候，我電話響起，Ada。 

"Dada，做咩呀？"我非常輕佻咁問。 

"冇呀，我見而家天地堂，搵你食飯囉！" 
的確，呢段時間只需要大家一出聲，基本上隨傳隨到。 



"我岩岩約左人食野呀！你一唔一齊？"我問。 

"我識唔識架？" Ada有少少猶疑。 

"唔識架，今年既新生。" 

"你個死佬又去溝女啦一定！我點會阻你丫！ 
算啦我自己食啦！" 我當然知道Ada唔會嬲啦。 

"今晚搵你食啦一係？" 

"到時先算啦！拜拜！"