[人性] [感情事]我不會講你知，其實是第幾次: 火車姐姐既秘密

"咁好口呀Hugo哥。番緊學呀，做咩呀？" 

"冇呀，掛住你搵下你唔得架咩？"我慣性既開場白。 

"掛你條命咩扮哂野！上次搵你出黎你又唔出。" 女人真係小氣，唔出一次就記咁耐。 

"我真係攰嘛上次！所以今晚我打算請你食飯補償啦！" 

"哎呀今晚我唔得喎，我約左班朋友飲野呀。" 



"食飯同飲野有關係架咩？" 我忍唔住串左火車姐姐一野。 

"咁又冇既，食完飯你陪埋我去得唔得？" 

"飲野？我唔識佢地架喎。" 

"總之你陪我去啦！你陪唔陪！"你都咁講啦，我有得揀咩？ 

"陪陪陪..." 



就係咁，夜晚我左去同火車姐姐食飯。 

"點呀，最近係咪有咩煩惱呀你？"我同佢吹左陣水之後就問。 

"做咩咁問呀？"佢眼神有少少閃縮。 

"係人都睇得出啦！你呢排神神化化呀大佬。" 

"我...冇野呀。"佢都係死都唔肯講。 



"有野唔怕同我講喎。" 

"真係冇事。" 佢咁堅持我都冇計。 

就係咁，我地出發去尖沙咀飲野。 
唔知點解，我覺得火車姐姐好緊張。