[人性] [感情事]我不會講你知，其實是第幾次: 老死

我冇出聲，亦冇推開Ada。 

"我當初特別留意你，除左你似我前男友之外， 
仲係因為覺得你個人好有魅力。 
但係好遺憾，完左OCAMP之後， 
你個光環已經唔見左。 
作為你既...朋友，我唔中意見到你咁。"　Ada繼續講。 

"我都想做番自己，我都好想番轉頭呀... 
但係...都冇可能..."　我其實好沮喪。 



"冇人叫你番轉頭呀傻佬。 
向前行唔得架咩？ 
如果你地係有緣份既， 
你地一定會再一齊。 
好好做番自己啦好嗎？我唔想見到你咁樣..." 

其實Ada都係一個好好既女仔， 
如果佢唔發癲既話。 
每個人背後都有一串故事， 


Bobo係咁，呀健係咁，琪琪係咁，Stella係咁，Ada同我都如是。 
如果我地唔活在當下，只會一直將自己困係死胡同。 
或者，我有少少領悟喇。 

"嗯，多謝你。"我真係多謝Ada呢個好朋友。 

"唔洗，咁我番入去上堂喇。"Ada擰擰頭，表示唔洗客氣。 

"喂，一齊坐啦。"我拉住佢。 



就係咁，我決定唔理家姐講既野。 
我決定做番自己，我想點就點。 
我唔想為左Stella困住自己，直至老死。 

好，下一個要解決既問題。 
係火車姐姐。 
佢呢排非常唔尋常， 
問親佢又冇野。 
之前我一直都冇心機理佢， 
作為佢既朋友，而家都係時候搵下佢喇。 

"靚女，得唔得閒呀？" 我message火車姐姐。