[人性] [感情事]我不會講你知，其實是第幾次: Ada篇(6)

我真係完全無言，我居然淪為佢地賭酒既工具。 
兩杯落肚，我真係好想開Ada火。 
不過礙於其他同學係到，我忍！ 
以免佢地對我印象唔好。 

"哦，你拎我黎賭？自隊三杯先啦！" 我要向Ada報復。 

"嘩！你咁都得？醉左你送我呀？" 

"呢到咁多仔仔，俾你揀個送你番去喇！ 


拿，我俾足面你，我先飲為敬！" 
我就唔信我飲酒會差過一個女仔。 

Ada身邊既一班餓狼同學見我隊佢， 
我開頭仲諗住佢地會阻止我。 

"係囉Ada，大家咁開心，你唔係唔飲呀嗎？" 

"都叫你唔好玩Hugo架啦，你快d飲，同佢賠罪啦！" 



呢班仆街一齊附和我，果然個個各懷鬼胎呀下。 
唔好俾我睇死，佢地一定係等緊Ada飲醉啦。 
Ada咁要面，俾咁多人逼佢飲既情況下，佢都好難推卻。 
我有少少唔忍心叫佢飲。不過，鬼叫佢玩我？ 
俾少少教訓你都好。 

基本上，係每一個飲野既地方， 
你都會見到而家既情況。 
男人係到灌女人。 



玩玩下，我都飲左唔少。 
點知Ada居然仲好清醒！ 
我頂呀佢咁飲得既？ 
佢走埋黎我到，同我講： 
"點呀Hugo，你叫我飲，你唔係唔飲呀？" 
佢仲要挑釁我。作為一個男人， 
如果傳左出去我飲輸俾個女人，我呢三年係大學點過呀？ 

"飲咪飲，你唔好醉呀" 我逞口舌之強。 

Ada係我耳邊細細聲講： 
"我醉左大把人送我番去嘛。你講既。"