[人性] [感情事]我不會講你知，其實是第幾次: Ada篇(7)

上回講到 

Ada係我耳邊細細聲講： 
"我醉左大把人送我番去嘛。你講既。 
不過，你放心咩？" 

我一路都火遮眼，到而家先留意Ada既裝扮。 
佢上身著左件好單薄既絲織衫。 
下身係一條黑色緊身裙。 
加一對過膝長boot。 


難怪班餓狼會想入非非。 
如果我唔識佢，我都會吞下口水既。 
不過，我對佢少少好感都冇。 

"哦，我好虧架，冇力扶你番去就唔好啦！" 
飲醉酒講野係小氣d。 

"哼！" 佢冇理我，繼續同班餓狼飲酒。 
而事實上，我真係冇需要擔心佢d乜野。 
我繼續同其他同學飲野。 


我地一行人玩到3點，個個都醉得七七八八。 
我都已經就黎到頂。 
呢個時候，有人就提議走喇。 

"Ada，我送你番去好嗎？"餓狼A問。 

"你都唔近。我同Ada順路呀，我送你啦。"餓狼B搭咀。 

"唔洗喇，我同佢番去得喇。"呀儀幫Ada解圍。 



我就當然係一邊食住花生睇戲，睇下邊個奪得煩人歸。 
呢個時候，Ada突然大叫： 

"唔洗你地送我！我上Hugo到呀陣間。" 

我嚇到花生都噴埋出黎。 
你個八婆擺我上台，我以後點面對呢班狼呀？