[人性] [感情事]我不會講你知，其實是第幾次: Ada篇(5)

厚福街同諾士弗台其實好近 
我好快就去到諾士弗台。 
不過我知道漫無目的咁搵都唔係辦法。 
於是，我試下打俾其他同學。 

"Peter哥，你有冇去飲野呀？" 

"冇呀。不過呀儀去左。我俾佢電話你。" 

"呀儀？我係你個組個Hugo呀。你地係邊到飲野？" 



知道地點之後，我突然間後悔。 
我問下呀儀咪知Ada有冇事囉！ 
不過算啦，都到左喇。 
我入左一間酒吧，直上二樓。 

佢地成班人坐左係近角落既位置。 
佢地見到我，就係一陣既叫囂聲。 
下？見到我唔洗咁興奮呀？ 
我正想走過去問呀儀關於Ada既下落。 


但係我發現Ada既居然坐左係到，完好無缺。 

"你冇事丫嗎？做咩嗌哂救命咁呀？"我強忍心中既怒火。 
雖然，好明顯，我俾佢厄左。 

"冇呀同佢地玩緊之嘛！做咩呀你緊張我呀？" 

"咁你電話又唔通？" 

"冇電咪唔通囉！黎啦一齊飲野！" 



"你冇事咁我走喇。" 我真係頂佢個肺咩。 

呢個時候，身邊既同學甲出聲。 
"都黎左啦！飲杯先走啦。" 

都岩，唔黎都黎左，同班同學聯宜下啦。 
不過我仲係好嬲Ada，於是我坐左係另一堆同學個邊。 
咁當然，成班人飲野，都係開心既。 
兩杯落肚，我都開始投入左，開始唔記得Ada厄我既事。 

Ada呢個時候坐左埋黎。 
有個男仔跟住一齊坐埋黎。 

"喂！Ada！頭先我輸左，自罰一杯！" 



"嘿，都話我贏硬架啦！" 

"你地講緊咩呀？" 

"其實咁既，頭先佢地話你咁靜，點都唔會出黎飲野。 
我話我一定有辦法叫到你出黎。結果你咪黎左啦？ 

"......"