[人性] [感情事]我不會講你知，其實是第幾次: Ada篇(3)

雖然以前都同火車姐姐出過街， 
不過我都盛裝打扮，以示尊重。 
我地出到尖沙咀，就去左厚福街搵下野食。 

"點呀你最近？番學OK嗎？"我問火車姐姐。 

"幾好啦。有少少悶啦，今年中六喇開始緊張喇。 
同埋見唔到你同樂仔番學有少少怪囉哈哈。" 
諗諗下，個時同火車姐姐每日番學見面都已經成為習慣。 



"哈哈，緊係啦。而家學校少左我地兩個靚仔你緊係唔慣啦。" 

"樂仔都算係既...你就..."　佢一連不屑。 

"你而家算點先！"　我作勢打佢。 

食下傾下，我地傾到Stella。 

"你地真係冇彎轉？" 



"嗯，佢已經拍緊拖喇。" 

"哦。算啦，舊既唔去，新既點黎呢？咁學校有冇靚女先？" 
聽到火車姐姐一問，我唔知點解諗起Ada。 

"冇呀。佢地連你一半都冇啦。真係好失望！ 
不過我反而聽樂仔講佢做左camp草喎。 
我打死都唔信架喇。"　你叫我點接受樂仔做左camp草，自己仲係新朋友都唔多個？ 

"哈哈，口甜舌滑！我識左你幾耐呀？ 


我唔會受你呢套囉！ 
唔係丫！樂仔都幾好呀。 
高大靚仔，又係運動健將。"　我發現火車姐姐真係成日都讚樂仔。 

"車你講到佢咁好，你當初做咩唔追人呀？" 

"我心有所屬嘛！"我諗佢一時口快快，爆響口。 

"嘩！冇聽你講過喎！快d講黎聽下！"　我緊係乘勝追擊啦 

"個個咪你囉！" 火車姐姐笑住咁講。 

"丫你幾時邊到咁主動？黎，咀啖先！"　我作勢要鍚佢。 

"死開啦變態佬！" 



我地打打鬧鬧，好快已經食到成十一點。 
見番舊朋友感覺真好。 

呢個時候，電話響。又係Ada。