[人性] [感情事]我不會講你知，其實是第幾次: Ada篇(2)

Ada又首先開口。 

"喂，同你玩下之嘛。你唔係嬲呀嗎？男人老狗。" 
呢d叫一啖沙糖一啖屎。 
明明個勢似係道歉，點知佢又跟手窒我一句。 
真係頂佢個肺丫。 

"我冇嬲。"我保持冷靜，盡量唔發作。 

"咁你而家去邊呀？"　Ada追問。 



"番屋企囉。" 

"今晚佢地話去飲野喎！"Ada眼仔碌碌。 
雖然佢都算係一個靚女，但係性格太難頂。 
我冇興趣同佢飲野。 

"我唔去啦，好攰呀！"我求其搵個籍口。 

"死虧佬。" 



"冇你咁好氣，拜拜。" 

我根本唔想理佢。係番屋企途中，我係到思量家姐講既說話。 
如果Darren真係唔係好人咁點算？ 
不過我又有咩資格話人地唔係好人？ 
就算佢係衰人，我又可以點？ 
去打佢一身咩？ 
諗下諗下就已經番到屋企。 



好耐冇on msn，一on就收到火車姐姐既message。 

"sorry呀hugo，上次我出左去，冇應到你。 
你搵我咩事呀？" 

"冇呀，搵你傾下計之嘛！" 

"你掛住我呀？" 

"係呀哈哈！得唔得閒出黎食個飯？" 
唔同Ada，同火車姐姐食飯我係非常樂意。 

"好呀！我仲煩惱緊我今晚冇飯食！"火車姐姐爽快回應。