[人性] [感情事]我不會講你知，其實是第幾次: 分手，不快樂

"我明白喇。但係我真係想同你傾幾句，講完之後我以後都唔會再煩你。" 
我只係想同Stella道歉，同埋我真係想知道佢係咪真係同左Darren一齊。 

"好，我俾幾分鐘你。以後你唔好再浪費時間。Darren，你走先啦，我再搵你。" 
或者Stella心底知道，唔俾少少時間我，我係唔會罷休。 

"對唔住，Stella。" 我收埋左係心底既呢句說話，終於可以親口講。 

"我知道我冇盡我作為你男朋友既責任。 
但係可唔可以俾一個補償既機會俾我？ 


我錯左既呢一次，係咪真係冇任何挽留既機會？"　我繼續講。 

"冇。你知道嗎？你係我最需要你既時候，你完完全全消失左。 
到我解決哂所有事，諗住重新開始既時候，你又黎搵番我？ 
我真係唔知道你幾時又會發癲又唔見左人。 
Hugo，我好攰喇。我唔想再愛人喇。 
我只係想靜靜咁過以後既生活。" 

"咁你又同Darren一齊？你真係中意佢？" 我真係想知Stella係咪真係咁絕。 



"我中唔中意佢唔關你事。 
我淨係知道佢一直對我好好。 
而我而家所需要既只係一個對我好既人，就係咁簡單。 
Hugo，放手啦。好嗎？" 

"我明白喇。對唔住，祝你永遠幸福快樂。 
希望我地仲可以做番朋友？"　我知道冇得勉強。 

"我唔知道。但呢一刻，我真係唔想再面對你。" 



"明白，有咩事，隨時搵我。再見。" 
我講完就轉身走，我唔想係Stella面前落淚。 

祝你快樂，分手快樂，你可以找到更好的。 
我係心入面默念。