[人性] [感情事]我不會講你知，其實是第幾次: 我們就到這？

唔得！我一要搵機會同Stella講清楚！ 
但係Darren係到，我真係乜都做唔到。 

我跟住佢地離開茶記， 
心入面暗暗希望Darren快d走， 
咁我就可以搵Stella喇.. 

不過事與願違，Darren直接送Stella到樓下。 

"死狗公！"我咬牙切齒，暗鬧一句。 



呢個時候，我都唔理得咁多。 
如果我唔把握機會，真係唔知等到幾時先可以同佢傾到計。 

"Stella！" 我向佢地走去。 
Stella個樣好驚訝。 

"可以傾兩句嗎？" 

"我冇野想同你講，我亦都唔想再見到你。 


請你離開。" Stella冷冷咁講。 

我個心一痛，我冇諗過係Darren面前佢居然講得咁絕。 

"你應該係Darren？唔好意思，我有d野想同我女朋友講。 
你介唔介意行開下？" 我專登用女朋友呢個字眼，下馬威。 

未等Darren開口，Stella先開口。 

"第一，我同你已經分開左唔係你女朋友。 


第二，你憑乜野叫人走？你當你自己係邊個？ 
第三，你又當我係乜野？想搵我就搵？呼之則來？ 
Hugo，你真係好自私。" 

講完之後，佢就想拉住Darren走。 
我上前攔住佢地。 

"Stella，我只係想同你傾幾句姐。咁都唔得？" 
對唔住，我只係想同你道歉姐... 

"我講最後一次，我唔想再見到你，亦都冇野好講。 
希望我地以後唔會再見。" Stella揮揮手。 

"點解你咁決絕？" 



"我絕？邊到及你一半呀Hugo先生。嘿。 
況且，我已經有我既新生活。 
我男朋友對我好好，唔該你唔好再騷擾我地。" 
Stella橋住Darren隻手。 

佢地居然一齊左？唔係呀嗎？ 
我唔會相信架！ 

"Darren，你同佢一齊左？" 

"嗯，Stella係我女朋友，請你以後唔好再攪佢。" 

冇喇冇喇，乜都冇喇。