[人性] [感情事]我不會講你知，其實是第幾次: Stella既決定

Stella見完Hugo之後，番到屋企，打番俾Darren。 

"Sorry呀頭先請你走先。" 

"傻啦。你....解決左喇？" Darren試探性咁問。 

"嗯，我同佢講得好清楚喇。 
我唔想番轉頭。” Stella斬釘截鐵。 

"嗯。頭先你講既野，係咪真架？" 



"頭先？" 

"你話我係你男朋友嘛..." 

"呀，唔好意思呀借你過橋。 
我想佢完全死心。你唔介意架可？" 聽到Darren咁講，Stella有少少內疚。 

"哈哈，我點會介意呢。 
其實，我係想問，我地有冇機會一齊？" 



"......我唔可以確保你D乜野呀Darren。 
我真心覺得你好好。但係我難保我未完全放低Hugo。 
咁樣對你都唔公平。 
除非..." 

"除非咩呀？" 

"除非你應承我，無論日後有咩事， 
你都唔會唔理我，唔會離開我。 


或者我呢一刻未放低哂佢，但只要你好好咁對我， 
有朝一日，我都可以全心全意咁愛你。" 
Stella心諗，如果呢個男仔可以對佢好好， 
咁接受呢個愛自己既人都唔係一件壞事。 

"我應承你，無論以後有乜野事，我都一定就哂你，照顧你。 
咁你即係應承我同我一齊？" Darren有少少激動咁問。 

"嗯。" 

呢對需要表白既戀人，又會否走到最後？