[人性] [感情事]我不會講你知，其實是第幾次: 跟蹤

"個電話幾錢呀？我俾番你！" 

"真係唔洗呀！唔好講呢d先，你陪我食左野先啦好嗎？" 

"嗯" 

Stella唔知點解覺得周身唔自在，覺得好似有人監視緊佢咁。 
Stella同Darren去左附近既一間茶記。 

"係呢，你呢幾日過成點呀？" 



"冇呀，都係係屋企休息下咁啦。 
我想收拾心情，畢竟我停左學咁耐，要追番d 進度。" 

"咁呀，不如我幫你補下習？ 
我雖然唔係好叻，不過我都有聽書架哈哈！" 

"會唔會好麻煩你呀？" 

"緊係唔會啦，我當係自己溫書之嘛！" 



"好啦，多謝你。" 

係茶餐廳既一角，係我，Hugo。 
話說我頭先去到Stella樓下等佢。 
居然去到就俾我見到Stella！ 
Stella睇落消瘦左唔少，對眼好腫。 
我諗佢應該喊左好多次.... 

正當我諗住走上前叫佢既時候， 


有個男仔比我快一步。 

我皺一皺眉，聽下佢地講咩。 
佢地講左幾句，就一齊離開。 
我決定跟住佢地。 
去到一間茶餐廳，就聽到佢地既對話。 
我心諗，呢個應該就係樂仔口中既Darren。 

我見到Darren拎左個電話俾Stella。 
頂！樂仔又話佢地冇野？ 
送電話喇喎都冇野？ 
以我認識既Stella邊會咁容易收人禮物！ 
睇黎唔止Darren想追佢，唔通Stella都有意思？ 

我諗到呢到，突然覺得個人軟哂，晴天霹靂。