[人性] [感情事]我不會講你知，其實是第幾次: 逝去感情如何留得住

我係到苦苦思量，應該點樣氹番Stella。 
特別係聽到Stella呢幾個月經歷左咁多， 
我居然唔係佢身邊。 
或者佢講得岩，我根本冇企過係佢既角度去諗。 

點都好，我既第一步就係要搵到Stella先。 
如果佢堅持唔見我，我根本冇野可以做到。 
所以我決定去佢樓下等佢。 
但願上天俾一個機會我。 



鏡頭轉到Stella既一邊。 

Stella send左個sms俾Hugo之後， 
其實佢都好難受。 
佢冇諗過佢地真係會分開， 
更加冇諗過會由佢講分手。 
諗到呢到，Stella又忍唔住流眼淚。 

呢個時候，佢諗起Darren。 
佢真係冇諗過Darren中意佢。 


而家回想起，咁多年黎，Darren又真係一直對佢好好。 
Stella暗暗嘆左一聲，呢個世界，感情本來就係錯綜複雜。 
Stella覺得好攰，佢唔係一個堅強既人。 
佢都只係一個普通既女人，只係想人愛想人照顧想人痛鍚。 

唔知呢一刻，Hugo收到個信息有咩反應呢？ 
唔知佢唔會追番我呢？ 
雖然已經下定決心唔再見呢個男人，但係心入面又不期然對佢有少少盼望。 
Stella擰擰頭，下定決心，就算呢個男人點樣氹番佢都好， 
都唔可以心軟再信佢。 



呢個時候，Stella屋企電話響起，係Darren。 

"Stella？你咪跌左個電話既？ 
我幫你買左啦，而家係你樓下，你得唔得閒落黎拎呀？" 

"你做咩幫我買電話呀？咁麻煩你！" 

"好小事姐，你冇左電話一定好唔方便。" 

"唔得架，咁啦，你買左幾錢？我俾番你。" 

"唔洗啦少少錢，由佢啦，你請我食餐飯啦。 
我未食野呀好肚餓。" 



"嗯，飯還飯，電話錢我都會俾番你。 
我而家換衫落黎。" 

Stella好快咁換左條裙，佢諗起呢條裙係Hugo好中意， 
成日都叫佢著。 
Stella既心突然一痛。 
佢係到諗，算啦，俾個機會自己，從頭生活。 
於是，佢換過另一條裙，就衝衝落樓。