[人性] [感情事]我不會講你知,其實是第幾次: Stella自白
我知道Hugo要溫書真係好辛苦,
所以無論我放左學幾攰都好,
都堅持上佢屋企陪佢,幫佢執下野,煮下野食,
希望我可以幫輕下佢啦。
有一日,我見到佢間房亂七八糟,真係冇眼睇。
個傻佬一定係忙到連垃圾都唔得閒掉啦。
嘻嘻,等我偷偷地幫佢執好佢,唔知佢見到會唔會感動呢。
我執呀執,垃圾都執左兩大袋出黎呀!
污糟到死!
D書呀NOTES呀又亂到冇朋友!
我用左差唔多3個鐘先執好咋...成身汗喇!
番屋企沖個涼先再過黎陪個傻佬啦。
我沖完個涼,就趕去Hugo到喇。
佢一定又係掛住溫書唔食野啦!
所以我已經炒左個面俾佢!希望佢岩食啦。
我見到佢溫緊書,所以同佢講:
"BB呀你間房好亂呀。我幫你將D NOTES放左係櫃入面,參考書就係..."
快d讚我乖啦!
![](http://forum12.hkgolden.com/faces/kiss.gif)
"得喇得喇。知架喇。"
攪錯呀唔讚人地既!
算啦,呀!個面凍喇!
"BB呀,我整左少少野食呀。你食D啦你成日都冇食過野!"
"唔想食。"
"唔好啦食少少啦,如果唔係會胃痛架。" 我真係擔心佢呀!佢呢排成日話胃痛..
"都話唔食咯。"Hugo大力拍左張台一下。
嚇死我呀!咁惡架衰人!憎死你呀!
哼!唔理你!我出廳抖下先...今日好攰呀成日都冇抖過。
"Stella,我D NOTES你放左係邊呀?" 個衰人一定冇聽我頭先講咩啦!
"今朝幫你執完嘛,係櫃呀。"
"你可唔可以唔好亂攪我D野呀!攪到亂哂我點搵呀!"
"我見你間房好多垃圾我諗住幫你清理下,順手疊好D咋..."
"你唔好咁多事得唔得呀?我唔執就係因為我咁樣先知D野放係邊!"
"對唔住..." 我做錯左咩呀....